ନୀଳଗିରି,୧୧/୧୧: ବାଲେଶ୍ଵର ଜିଲ୍ଲା ନୀଳଗିରି ବ୍ଲକ ଗରଡ଼ିହି ପଞ୍ଚାୟତ ଅଧୀନ କୁଳଡିହା ଅଭୟାରଣ୍ୟ ସୀମାନ୍ତ ଟିଆକଟାଠାରେ ଥିବା ଏକ ପରିତ୍ୟକ୍ତ ପଥର ଖାଦାନରୁ ନରକଙ୍କାଳ ଉଦ୍ଧାର କରାଯାଇଛି । କୌଣସି ବ୍ୟକ୍ତିଙ୍କୁ ହତ୍ୟା କରି ଫିଙ୍ଗି ଦିଆଯାଇଥିବା ସନ୍ଦେହ କରାଯାଇଛି । ଉକ୍ତ ସ୍ଥାନରେ ସଜନାଗଡ଼ ନିକଟ କାଳିଝାଟି ଗାଁର ଛକା ମହାନ୍ତି ନାମକ ବ୍ୟକ୍ତି ପଥର ଖାଦାନରେ ପୂର୍ବରୁ କାମ କରୁଥିଲେ। ଅଭୟାରଣ୍ୟ କଟକଣା ପାଇଁ ଯୋଗୁ ପଥର ଖାଦାନଟି ବନ୍ଦ ହୋଇ ପଡ଼ି ରହିଛି ।
ସୂଚନା ମୁତାବକ, ଅଭୟାରଣ୍ୟ କଟକଣା ପାଇଁ ଯୋଗୁ ପଥର ଖାଦାନଟି ବନ୍ଦ ରହିଥିବା ବେଳେ ସୋମବାର ସ୍ଥାନୀୟ କେତେକ ଲୋକେ ସେହି ଅଞ୍ଚଳକୁ ଛେଳି ଚରାଇବାକୁ ଯାଇଥିଲେ । ଛେଳି ଚରାଇବା ବେଳେ ସେଠାରେ ନରକଙ୍କାଳ ପଡ଼ିଥିବା ଦେଖିଥିଲେ । ଏହା ଦେଖି ଲୋକେ ଭୟଭୀତ ହୋଇ ଯାଇଥିଲେ ଏବଂ ତୁରନ୍ତ ପୋଲିସକୁ ଖବର ଦେଇଥିଲେ । ଖବରପାଇ ବରହମପୁର ଥାନା ଏଏସ୍ଆଇ କଳ୍ପତରୁ ସାହୁ ଘଟଣାସ୍ଥଳରେ ପହଞ୍ଚି ଥିଲେ । ସେଠାରେ ପହଞ୍ଚି ଉକ୍ତ କଙ୍କାଳକୁ ଜବତ କରିଛନ୍ତି । ଏନେଇ ଥାନାରେ ଅପମୃତ୍ୟୁ ମାମଲା ରୁଜୁ କରାଯାଇଥିବା ବେଳେ ନମୁନା ପରୀକ୍ଷା ପାଇଁ ଲ୍ୟାବ୍କୁ ପଠାଯିବ ବୋଲି ଜଣାପଡିଛି । କୌଣସି ବ୍ୟକ୍ତିଙ୍କୁ ହତ୍ୟା କରାଯିବା ପରେ ପରିତ୍ୟକ୍ତ ପଥର ଖାଦାନରେ ଫିଙ୍ଗି ଦିଆଯାଇଥିବା ଅନୁମାନ କରାଯାଉଛି ।
