ମୁମ୍ବାଇ,୧।୧୧:  ମହାରାଷ୍ଟ୍ର ନିର୍ବାଚନରେ ଶିବସେନା-ୟୁବିଟି ନେତା ଅରବିନ୍ଦ ସାଓ୍ବନ୍ତ ‘ଇମ୍ପୋଣ୍ଟାଣ୍ଟ ମାଲ୍’ କହିବା ନେଇ ଶିବସେନା ପ୍ରାର୍ଥୀ ଶାଇନା ଏନ୍‌ସି ରାଗି ଯାଇଛନ୍ତି। ସେ ଏହାକୁ ନେଇ ଏକ୍ସରେ କଡା ଟିପ୍ପଣୀ ଦେଇଛନ୍ତି। ଶାଇନା ଲେଖିଛନ୍ତି, ମୁଁ ମହିଳା, ମାଲ୍‌ ନୁହେଁ।’  

ଉଲ୍ଲେଖନୀୟ ଯେ, ଶାଇନା ଏନ୍‌ସି ପୂର୍ବରୁ ବିଜେପିରେ ଥିଲେ, କିନ୍ତୁ ନିର୍ବାଚନ ପୂର୍ବରୁ ସେ ଶିବସେନାରେ ଯୋଗ ଦେଇଛନ୍ତି। ଏହାକୁ ନେଇ ଅରବିନ୍ଦ ସାଓ୍ବନ୍ତ ଟିପ୍ପଣୀ ଦେଇଥିଲେ ଯେ, ସେ ପୁରା ଜୀବନ ବିଜେପିରେ ରହିଛନ୍ତି, କିନ୍ତୁ ଏବେ ଦେଖନ୍ତୁ।’ ସେ ଗଣମାଧ୍ୟମ ସହ କଥା ହୋଇ କହିଥିଲେ ଆମର ଏଠାରେ ଇମ୍ପୋଟେଡ୍‌ ମାଲ୍‌ ଚାଲେନି, କେବଳ ଅରିଜିନାଲ ମାଲ୍‌ ଚାଲେ। ନିଜ ପ୍ରାର୍ଥୀଙ୍କ ପକ୍ଷକୁ ଇଶାରା କରି ସାଓ୍ବନ୍ତ ଏହି କଥା କହିଛନ୍ତି। 

ଏଭଳି ସେକ୍ସିଏଷ୍ଟ ଟିପ୍ପଣୀ ଉପରେ ଶାଇନା ଏନ୍‌ସି କଡା ମନ୍ତବ୍ୟ ଦେଇଛନ୍ତି। ସେ କହିଛନ୍ତି, ଏଭଳି କଥା କହିବା ଅରବିନ୍ଦ ସାଓ୍ବନ୍ତ ଓ ତାଙ୍କ ପାର୍ଟିର ଖରାପ ମାନସିକତାକୁ ଦର୍ଶାଉଛି। କ’ଣ ସେ ଭାବନ୍ତି ଯେ, ମୁମ୍ବା ଦେବିଙ୍କ ସବୁ ମହିଳା ମାଲ୍ ? ଶାଇନା ଆହୁରି କହିଛନ୍ତି ଯେ, ଏହି ଲୋକ ଜଣେ ମହିଳାଙ୍କୁ ସମ୍ମାନ ଦେଇପାରୁ ନାହାନ୍ତି। ଆପଣ ରାଜନୀତିରେ ସକ୍ରିୟ ଜଣେ  ମହିଳାକୁ ମାଲ୍ କହୁଛନ୍ତି। ଏବେ ଆପଣ ହେବେ ବେହାଲ, କାରଣ ଆପଣ ଜଣେ ମହିଳାକୁ ମାଲ୍ କହିଛନ୍ତି। ଏହି ମାମଲାରେ ମୁଁ ଆକ୍ସନ ନେବି, କିନ୍ତୁ ପବ୍ଲିକ ତାଙ୍କୁ ନିଶ୍ଚିତ ଭାବରେ ବେହାଲ କରିବେ। ଏଭଳି ମନ୍ତବ୍ୟକୁ ନେଇ ଅରବିନ୍ଦଙ୍କ ବିରୋଧରେ ଶାଇନା ଥାନାରେ ମାମଲା ରୁଜୁ କରିଛନ୍ତି।