ମୁମ୍ୱାଇ : ବଲିଉଡ୍ ଅଭିନେତା ଶାହରୁଖ ଖାନ ସାରା ବିଶ୍ୱର ଲୋକଙ୍କ ହୃଦୟରେ ରାଜୁତି କରୁଛନ୍ତି। ଫିଲ୍ମରେ ଆକ୍ଟିଂ ସହ ଶାହରୁଖ ଖାନ ଇଭେଣ୍ଟସରେ ମଧ୍ୟ ପ୍ରଦର୍ଶନ କରନ୍ତି। ନିକଟରେ ଶାହରୁଖ ଖାନ ଦିଲ୍ଲୀର ଏକ ବାହାଘରରେ ଭାଗ ନେଇ ଥିଲେ। ଏହି ବାହାଘରରେ ଶାହରୁଖ ଖାନ ପରଫର୍ମାନ୍ସ ମଧ୍ୟ ଦେଲେ। ଏହି ବାହାଘରରେ ଶାହରୁଖ ଖାନଙ୍କର ଅନେକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେଉଛି। ଏହି ଭାଇରାଲ ଭିଡ଼ିଓକୁ ଦେଖିବା ପରେ ସୋସିଆଲ ମିଡ଼ିଆରେ ପ୍ରଶଂସକମାନେ ପଚାରୁଛନ୍ତି ଯେ, ଶାହରୁଖ ଖାନ ଏହି ବିବାହରେ ପରଫର୍ମ କରିବାକୁ କେତେ ଟଙ୍କା ନେଇଛନ୍ତି ? ପ୍ରଶଂସକଙ୍କ ପ୍ରଶ୍ନର ଉତ୍ତର ଦେଇଛନ୍ତି ମେକଅପ୍ ଆର୍ଟିଷ୍ଟ।
କନ୍ୟାର ମେକଅପ୍ କରୁଥିବା ଆର୍ଟିଷ୍ଟ ଅମୃତ କୌର ଏକ ଭିଡିଓ ନିଜର ଇନଷ୍ଟାଗ୍ରାମ୍ରେ ସେୟାର କରିଛନ୍ତି। ଏହି ଭିଡ଼ିଓରେ ଶାହରୁଖ ଖାନ ଡ୍ୟାନ୍ସ ପରଫର୍ମ କରିବାର ନଜର ଆସୁଛି। ସେ ବର-କନ୍ୟାଙ୍କ ସାମ୍ନାରେ ନିଜର ସିଗ୍ନେଚର ପୋଜ୍ କରିବାର ନଜର ଆସୁଛି ଏବଂ ଏହାସହ ସେ କନ୍ୟାଙ୍କ ସହକଥା ହେବାର ଦେଖିବାକୁ ମିଳୁଛି କି, ଆପଣ ଖୁବ୍ ସୁନ୍ଦର। ଶାହରୁଖଙ୍କର ଏହି ଭିଡ଼ିଓ ସୋସିଆଲ ମିଡିଆରେ ଖୁବ୍ ଜୋରରେ ଭାଇରାଲ ହେଉଛି। ଶାହରୁଖଙ୍କ ଏହି ଭିଡ଼ିଓ ସେୟାର କରି ଅମୃତ କୌର ଲେଖିଛନ୍ତି-ଶାହରୁଖ ଖାନ ଆପଣ ଯେଉଁ ଭଳି ମୋ କନ୍ୟାର ପ୍ରଶଂସା କଲେ , ଏଥିରେ ମୋ ଦିନ ଖୁସିରେ କଟିଲା। ସେହି ଦିନର ମୋର ପରିଶ୍ରମ ସାର୍ଥକ ହୋଇଛି।
ଏହି ଭିଡ଼ିଓରେ ଶାହରୁଖଙ୍କ ପ୍ରଶଂସକ କମେଣ୍ଟ କରିଛନ୍ତି । ଜଣେ ୟୁଜର କମେଣ୍ଟ କରି ଲେଖିଛନ୍ତି – ଏ ସବୁଠୁ ଅଧିକ ଲକି ଗର୍ଲ। ଏହି ଭିଡ଼ିଓରେ ବହୁତ ପ୍ରଶଂସକ କମେଣ୍ଟ କରି ପଚାରିଛନ୍ତି କି ଶାହରୁଖ ଏହି ବାହାଘରରେ ପରଫର୍ମ କରିବାକୁ କେତେ ଟଙ୍କା ନେଇଛନ୍ତି। ଏଥିରୁ ଜଣେ ୟୁଜରର ପ୍ରଶ୍ନର ଜବାବ ଦେଇ ମେକଅପ୍ ଆର୍ଟିଷ୍ଟ କହିଛନ୍ତି କି, ଶାହରୁଖ ବର-କନ୍ୟାଙ୍କର ଫ୍ୟାମିଲ ଫ୍ରେଣ୍ଡ। ସେଠାରେ ଲୋକେ କମେଣ୍ଟ କରି ଲେଖିଛନ୍ତି ଶାହରୁଖ ଅତି କମ୍ରେ ୬୦ ଲକ୍ଷ ବା ତା ଠାରୁ ଅଧିକ ଟଙ୍କା ନେଇ ଥାଇ ପାରନ୍ତି।
