ମୁମ୍ବାଇ,୨୪/୧୨:  ବଲିଉଡର ଜଣାଶୁଣା ଗାୟକ ଶାନଙ୍କ ଆପାର୍ଟମେଣ୍ଟରେ ଅଗ୍ନିକାଣ୍ଡ। ଏନେଇ ଖବର ପାଇ ଅଗ୍ନିଶମବାହିନୀ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବା କାର୍ଯ୍ୟ କରୁଥିବା ଜଣାପଡିଛି। ସେହିପରି ଏହି ଘଟଣାରେ କେହି ମୃତାହତ ହୋଇଥିବା ନେଇ କୌଣସି ସୂଚନା ମିଳିନି । ତେବେ  ବାନ୍ଦ୍ରା ପଶ୍ଚିମ ଅଞ୍ଚଳରେ ଅବସ୍ଥିତ ଫର୍ଚୁନ୍ ଏନକ୍ଲେଭ ନାମକ ଏକ ଆବାସିକ କୋଠାର ସପ୍ତମ ମହଲାରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଥିଲା। ଘଣ୍ଟା ଘଣ୍ଟା ପରିଶ୍ରମ ପରେ ୧୦ ଟି ଅଗ୍ନିଶମ ବାହିନୀ ନିଆଁକୁ ନିୟନ୍ତ୍ରଣକୁ ଆଣିଥିଲେ ।

ତେବେ ପ୍ରସିଦ୍ଧ ଗାୟକ ଶାନଙ୍କର ମଧ୍ୟ ଏହି ଆପାର୍ଟମେଣ୍ଟର ଏକାଦଶ ମହଲାରେ ଏକ ଫ୍ଲାଟ ଅଛି । ନିଆଁ ଲାଗିବା ସମୟରେ ଶାନ ଏବଂ ତାଙ୍କ ପରିବାର ସେମାନଙ୍କ ଫ୍ଲାଟରେ ଉପସ୍ଥିତ ଥିଲେ। ସୌଭାଗ୍ୟବଶତଃ ଏହି ଘଟଣାରେ କେହି ଆହତ ହୋଇନାହାଁନ୍ତି। ଅଗ୍ନିକାଣ୍ଡର କାରଣ ସର୍ଟ ସର୍କିଟ ବୋଲି ପ୍ରାଥମିକ ଅନୁସନ୍ଧାନରେ ଅଗ୍ନିଶମ ବିଭାଗର ଅଧିକାରୀ କହିଛନ୍ତି। ବର୍ତ୍ତମାନ ପୋଲିସ ଏହି ଘଟଣାର ତଦନ୍ତ କରୁଛି। ମୁମ୍ବାଇ ପୋଲିସ ଏବଂ ଫାୟାର ବ୍ରିଗେଡ ଦଳ ଘଟଣାସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିବାକୁ ଚେଷ୍ଟା କରିଥିବା ବେଳେ କିଛି ଘଣ୍ଟା ପରେ ଅଗ୍ନିଶମ ବାହିନୀ ନିଆଁକୁ ନିୟନ୍ତ୍ରଣକୁ ଆଣିଥିଲେ। ଏହି ସମୟ ମଧ୍ୟରେ ବିଲ୍ଡିଂରେ ରହୁଥିବା ଲୋକଙ୍କୁ ବାହାରକୁ ଅଣାଯାଇଥିବା ଜଣାପଡ଼ିଛି।