ଢେଙ୍କାନାଳ,୫/୬ : ୫୫ ନମ୍ବର ଜାତୀୟ ରାଜପଥର ଦୟନୀୟ ଅବସ୍ଥା ଯୋଗୁଁ ବାରମ୍ବାର ଦୁର୍ଘଟଣା ଘଟି ଧନ ଜୀବନ କ୍ଷତି ଘଟୁଛି । ଗୁରୁବାର ଏହି ରାଜପଥରେ ସିରିଜ୍ ଦୁର୍ଘଟଣା ଘଟିଛି । ବ୍ରହ୍ମପୁରର ଏକ ପରିବାର ଅଳ୍ପକେ ବର୍ତ୍ତି ଯାଇଛନ୍ତି ।
ସୂଚନା ଅନୁସାରେ, ଢେଙ୍କାନାଳ ସହର ନିକଟ ଜାତୀୟ ରାଜପଥରେ ଅପରାହ୍ନରେ ଏକ ଟାଟାଏସି ପଛକୁ ଏକ କାର ଧକ୍କା ଦେଇଥିଲା। କାରରେ ଯାଉଥିବା ଉକ୍ତ ପରିବାର ଅନ୍ୟ ଏକ କାରରେ ଅନୁଗୁଳରୁ କଟକ ଆଡକୁ ଯାଉଥିଲେ। ହଠାତ୍ ରାସ୍ତା ଖରାପ ଯୋଗୁଁ ଆଗରେ ଯାଉଥିବା ଟାଟାଏସି ରହିଯିବାରୁ ପଛରେ ଥିବା କାରଟି ଧକ୍କା ଦେଇଥିଲା ଓ ପଛ କାର୍ ମଧ୍ୟ ଆଗ କାରକୁ ଧକ୍କା ଦେଇଥିଲା। ପଛ କାରରେ ଉକ୍ତ ପରିବାର ଯାଉଥିବାବେଳେ କାରର ସମ୍ମୁଖ ପାର୍ଶ୍ଵ ଭାଙ୍ଗି ରୁଜି ଯାଇଛି। ପରିବାର ଲୋକେ ଅଳ୍ପକେ ବର୍ତ୍ତି ଯାଇଛନ୍ତି। ଦୁର୍ଘଟଣା ପରେ ଟାଟାଏସି ଓ ତା ପଛକୁ ଥିବା କାର ଫେରାର ହୋଇଯାଇଥିଲେ। ହାଇୱେ ପାଟ୍ରୋଲିଂ ପୁଲିସ୍ ପହଞ୍ଚି ତଦନ୍ତ କରିଛି।
