ବାରିପଦା, ୨୩/୦୩ : ମହଙ୍ଗା ପଡିଲା ଲଞ୍ଚ କାରବାର। ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରା ପଡିଲେ କିରାଣୀ ବାବୁ। ମୟୁରଭଞ୍ଜ ଜିଲ୍ଲା ବାରିପଦା ପୌର ପରିଷଦର ଏଷ୍ଟାବ୍ଲିସମେଣ୍ଟ ସେକ୍ସନର ବରିଷ୍ଠ କିରାଣୀ ଗୋପାଳ କୃଷ୍ଣ ପ୍ରଧାନ ଲାଞ୍ଚ ନେଇ ଗିରଫ ହୋଇଛନ୍ତି।
ସୂଚନାନୁଯାୟୀ, ପୁରୁଣା ହାଟସାହିର ଏମଡି ଜାଭୀର ବାପାଙ୍କ ମୃତ୍ୟୁ ପରେ ତାଙ୍କ ନାମରେ ଥିବା ୨ଟି ଦୋକାନ ଘ ର ମାଲିକାନା ପରିବର୍ତ୍ତନ ଲାଗି ଆବେଦନ କରିଥିଲେ । ଦୀର୍ଘ ଦିନ ଧରି ଗୋପାଳ କୃଷ୍ଣ ତାଙ୍କୁ ନିରାଶ କରି ଆସୁଥିଲେ। ଶେଷରେ ୧୦ ହଜାର ଟଙ୍କା ଦେଲେ କାମ ହେବ ବୋଲି କହିଥିଲେ। ଏହି ବାବଦରେ ଏମଡି ଜାଭୀର ଭିଜିଲାନ୍ସରେ ଅଭିଯୋଗ କରିବା ପରେ ଆଜି ସକାଳ ୧୧ଟା ୧୫ରେ ଯୋଜନା ମୁତାବକ ଭିଜିଲାନ୍ସ ଟିମ୍ ଗୋପାଳ କୃଷ୍ଣଙ୍କୁ ଲାଞ୍ଚ ନେବା ଗିରଫ କରିଛି। ଗୋପାଳଙ୍କୁ ଜେରା ଲାଗି ବାରିପଦା ଭିଜିଲାନ୍ସ ଅଫିସକୁ ଅଣାଯାଇଛି।
