ବ୍ରହ୍ମପୁର,୧/୧୦ : ବ୍ରହ୍ମପୁର ଦକ୍ଷିଣାଞ୍ଚଳ ଡିଆଇଜି ଭାବେ ଆଜି ଦାୟିତ୍ୱ ଗ୍ରହଣ କଲେ ଡାକ୍ତର ସାର୍ଥକ ଷଡ଼ଙ୍ଗୀ । ନକ୍ସଲ ଦମନ ଓ ଅପରାଧ ନିୟନ୍ତ୍ରଣ ପାଇଁ ରହିବ ଚ୍ୟାଲେଞ୍ଜ । ବୌଦ୍ଧ - କନ୍ଧମାଳ - କଳାହାଣ୍ଡି ସୀମାନ୍ତରେ ନକ୍ସଲ କାର୍ଯ୍ୟକଳାପ ସକ୍ରିୟ ରହିଛି । ନକ୍ସଲ ସଂଗଠନରେ ନୂଆ ସଦସ୍ୟ ଆସୁଛନ୍ତି ।  କଡା ନଜର ରଖିଛୁ । ନକ୍ସଲ ଦମନ ପାଇଁ ସମସ୍ତ ପ୍ରକାର ଚେଷ୍ଟା ଅବ୍ୟାହତ ରହିବ । ଦକ୍ଷିଣାଞ୍ଚଳ ରେଞ୍ଜ ଏସପିମାନଙ୍କ ସହ ବୈଠକ କରି ନକ୍ସଲ ଓ ଅପରାଧ ନିୟନ୍ତ୍ରଣ ପାଇଁ ବ୍ଲୁ ପ୍ରିଣ୍ଟ ପ୍ରସ୍ତୁତ କରାଯିବ । 

ଡିଆଇଜି ଭାବେ ଗୁରୁ ଦାୟିତ୍ୱ ମିଳିଛି, ସୂଚାରୁ ରୂପେ କାର୍ଯ୍ୟ ସମ୍ପାଦନ କରିବି ବୋଲି ଦାୟିତ୍ୱ ଗ୍ରହଣ କରିବା ପରେ ଗଣମାଧ୍ୟମକୁ ପ୍ରତିକ୍ରିୟା ରଖିଛନ୍ତି ଦକ୍ଷିଣାଞ୍ଚଳ ଡିଆଇଜି ଡାକ୍ତର ସାର୍ଥକ ଷଡ଼ଙ୍ଗୀ । ପୂର୍ବରୁ ବ୍ରହ୍ମପୁର ଏସପି ଭାବେ ଦାୟିତ୍ୱ ନିର୍ବାହ କରିଥିବାବେଳେ ଏବେ ବ୍ରହ୍ମପୁର ଦକ୍ଷିଣାଞ୍ଚଳ ଡିଆଇଜି ଭାବେ ଦାୟିତ୍ୱ ଗ୍ରହଣ କରିଥିବାରୁ ବହୁତ ଖୁସି ଲାଗୁଛି ବୋଲି କହିଛନ୍ତି ଡିଆଇଜି ।