ନୂଆଦିଲ୍ଲୀ : ଶୁକ୍ରବାର ଏମିତି ଏକ ରିପୋର୍ଟ ସାମନାକୁ ଆସିଛି ଯେ, ହିମାଚଳ ପ୍ରଦେଶର ଅପରାଧିକ ଯାଞ୍ଚ ବିଭାଗ (ସିଆଇଡି) ଏହା ଜାଣିବାକୁ ଯାଞ୍ଚ ଆରମ୍ଭ କରିଛି କି, କେମିତି ମୁଖ୍ୟମନ୍ତ୍ରୀ ସୁଖବିନ୍ଦର ସିଂହସୁଖୁଙ୍କ ପାଇଁ ପଠାଯାଇ ଥିବା ସିଙ୍ଗଡା ଓ କେକ ଭୁଲ୍ରେ ତାଙ୍କର ସୁରକ୍ଷା କର୍ମଚାରୀଙ୍କୁ ପରସା ଯାଇଥିଲା। ଏହି ଭୁଲ ଏବେ ଏକ ବଡ଼ ବିବାଦର ରୂପ ନେଇ ସାରିଛି।
ଏହି ଘଟଣା ୨୧ ଅକ୍ଟୋବରରେ ସିଆଇଡି ମୁଖ୍ୟାଳୟରେ ହୋଇ ଥିଲା। ନ୍ୟୁଜ୍ ଏଜେନ୍ସି ପିଟିଆଇ ଅନୁସାରେ , ୨୧ ଅକ୍ଟୋବରରେ ଏକ ସମାରୋହ ପାଇଁ ସିଆଇଡି ମୁଖ୍ୟାଳୟ ଯାଇଥିବା ମୁଖ୍ୟମନ୍ତ୍ରୀଙ୍କୁ ପରସା ଯିବାକୁ ଲକ୍କଡ ବଜାରର ଏକ ହୋଟେଲରୁ ସିଙ୍ଗେଡା ଓ କେକ୍ ର ୩ଟି ଡବା ଅଣାଯାଇ ଥିଲା।
ହେଲେ , ଡେପୁଟୀ ଏସପି ରାଙ୍କର ଅଧିକାରୀଙ୍କ ଦ୍ୱାରା କରାଯାଇ ଥିବା ଯାଞ୍ଚ ରିପୋର୍ଟ ଅନୁସାରେ , ସିଙ୍ଗଡା ଓ କେକ ସିଏମ୍ଙ୍କର ସୁରକ୍ଷା କର୍ମଚାରୀଙ୍କୁ ପରସା ଯାଇ ଥିଲା। ସମନ୍ୱୟର ଅଭାବ ଏହାର କାରଣ ବୋଲି କୁହାଯାଇଛି।
ଏମିତି ଭୁଲ କେମିତି ହେଲା ?
ରିପୋର୍ଟରେ କୁହାଯାଇଛି କି ମହାନିରୀକ୍ଷକ ସ୍ତରୀୟ ଜଣେ ଅଧିକାରୀ ପୁଲିସର ଜଣେ ଉପନିରୀକ୍ଷକ (ଏସଆଇ)ଙ୍କୁ ମୁଖ୍ୟମନ୍ତ୍ରୀଙ୍କ ଗସ୍ତ ପାଇଁ ହୋଟେଲରୁ କିଛି ଜଳଖିଆ ଆଣିବାକୁ କହିଥିଲେ। ଏସଆଇ ଜଣେ ସହାୟକ ଏସଆଇ (ଏଏସଆଇ) ଓ ଜଣେ ହେଡ୍ କନଷ୍ଟେବଲଙ୍କୁ ଜଳଖିଆ ଆଣିବାକୁ ନିର୍ଦ୍ଦେଶ ଦେଇଥିଲେ। ଏଏସଆଇ ଓ ହେଡ୍ କନଷ୍ଟେବଳ ହୋଟେଲରୁ ୩ଟି ସିଲଦିଆ ଡବାରେ ଜଳଖିଆ ଆଣି ଏସଆଇଙ୍କୁ ଜଣାଇ ଥିଲେ।
ପୁଲିସ ଅଧିକାରୀମାନେ କଥିତ ଭାବେ କହିଛନ୍ତି କି ,ଯେବେ ସେ ଡ୍ୟୁଟିରେ ଥିବା ପର୍ଯ୍ୟଟନ ବିଭାଗର କର୍ମଚାରୀଙ୍କୁ ପଚାରିଲେ କି ୩ଟି ଡବାରେ ଥିବା ଜଳଖିଆ ମୁଖ୍ୟମନ୍ତ୍ରୀଙ୍କୁ ଦେବାର ଥିଲା କି , ଜବାବରେ ସେ କହିଥିଲେ ଏହା ମେନ୍ୟୁରେ ସାମିଲ ନଥିଲା।
ଯାଞ୍ଚ ରିପୋର୍ଟରେ ଉଲ୍ଲେଖ କରାଯାଇଛି ଯେ କେବଳ ଉକ୍ସ ଏସଆଇ , ଯିଏ ଏଏସଆଇ ଓ ହେଡ୍ କନଷ୍ଟେବଲଙ୍କୁ ହୋଟେଲରୁ ଜଳଖିଆ ଆଣିବା କାମ ଦେଇଥିଲେ , ତାଙ୍କୁ ଏହା ବିଷୟରେ ଜଣା ଥିଲା କି ଏହି ୩ଟି ଡବା ସିଏମ ସୁଖୁଙ୍କ ପାଇଁ ଥିଲା।
ମହିଳା ନିରୀକ୍ଷକ , ଯାହାଙ୍କୁ ଖାଦ୍ୟ ଜିନିଷ ଦାୟିତ୍ୱ ଦିଆ ଯାଇ ଥିଲା , ସିଏ କୌଣସି ବରିଷ୍ଠ ଅଧିକାରୀଙ୍କୁ ନପଚାରି ଜଳଖିଆକୁ ଯାନ୍ତ୍ରିକ ପରିବହନ (ଏମଟି) ବିଭାଗକୁ ପଠାଇ ଦେଇଥିଲେ, ଯିଏକି ଜଳଖିଆ ସମ୍ୱନ୍ଧିତ କାର୍ଯ୍ୟ କରିଥାଏ ।
ସିଆଇଡି ବିଭାଗର ଜଣେ ଉଚ୍ଚ ପଦସ୍ଥ ଅଧିକାରୀ ନିଜର ନୋଟ୍ରେ ଲେଖିଛନ୍ତି କି ଯାଞ୍ଚ ରିପୋର୍ଟରେ ଯେଉଁ ଲୋକଙ୍କ ନାଁ ଅଛି, ସେମାନେ ସିଆଇଡି ଓ ସରକାର ବିରୋଧୀ ଉପାୟରେ କାମ କରିଛନ୍ତି, ଯେଉଁଥି ପାଇଁ ଭିଭିଆଇପିଙ୍କୁ ଏହି ଜିନିଷ ଦିଆଯାଇ ପାରି ନାହିଁ। ଏଥିରେ ସାମିଲ ଲୋକ ନିଜ ଏଜେଣ୍ଡା ଅନୁସାରେ କାମ କରୁଥିଲେ ।
ଏହି ମାମଲା ସାମନାକୁ ଆସିବା ପରେ ବିରୋଧୀ ପାର୍ଟି ରାଜ୍ୟ ସରକାରଙ୍କୁ କଟାକ୍ଷ କରିଛନ୍ତି । ଅନ୍ୟପଟେ ସିଆଇଡି ରିପୋର୍ଟ ଲିକ୍ ହୋଇ ସାମନାକୁ ଆସିବା ପରେ ପୂରା ଘଟଣା ଜଣାପଡ଼ିଥିଲା । ରିପୋର୍ଟରେ ବରିଷ୍ଠ ଅଧିକାରୀ ଏହି କାର୍ଯ୍ୟକୁ ସରକାର ବିରୋଧୀ ଏବଂ ଭିଭିଆଇପିଙ୍କ ଉପସ୍ଥିତିର ସମ୍ମାନ ବିରୋଧୀ ଅପରାଧ ବୋଲି କହିଛନ୍ତି । ରିପୋର୍ଟରେ କୁହାଯାଇଛି ଯେ ଏଥିରେ ସାମିଲ ଲୋକ ନିଜ ମନ ମୁତାବକ କାମ କରୁଥିଲେ ।
ଏହି ଘଟଣାକୁ ସରକାର ବିରୋଧୀ କୁହାଯିବା ପରେ ବିରୋଧୀ ଦଳ ରାଜ୍ୟ ସରକାରଙ୍କୁ ଟାର୍ଗେଟ୍ କରିଛନ୍ତି । ବିଜେପି ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ଜୟରାମ ଠାକୁର କହିଛନ୍ତି, 'ହିମାଚଳ ସରକାର କିଛି ନବୁଝି ବିଚାରି ନିଷ୍ପତ୍ତି ନେଉଛନ୍ତି । ମୁଖ୍ୟମନ୍ତ୍ରୀଙ୍କୁ ସିଙ୍ଗଡ଼ା ନମିଳିବା ହିମାଚଳର କଂଗ୍ରେସ ସରକାରକୁ ଏକ ଗମ୍ଭୀର ପ୍ରସଙ୍ଗ ଲାଗୁଛି । ଯେଉଁମାନେ ସିଙ୍ଗଡ଼ା ଖାଇଛନ୍ତି ସେମାନେ ସରକାରର ସଦସ୍ୟ ଥିବେ, ଏହା ସରକାର ଗତିବିଧି କିପରି ହେଲା ?'
ସିଙ୍ଗଡ଼ା ବିବାଦ ବଢିବା ପରେ ଶୁକ୍ରବାର ସିଏମ୍ ସୁଖୁ ନିଜ ପ୍ରତିକ୍ରିୟା ଦେଇଛନ୍ତି । ସିଏମ୍ କହିଛନ୍ତି, 'ବିଜେପି ବାଚଳାମି କରୁଛି । ସିଙ୍ଗଡ଼ା ଆସିଥିଲା ବୋଲି ମୁଁ ଜାଣି ନଥିଲି, ମୁଁ ସିଙ୍ଗଡ଼ା ଖାଏ ନାହିଁ । ସିଙ୍ଗଡ଼ା ପାଇଁ ନୁହେଁ ବରଂ ଅଧିକାରୀଙ୍କ ଦୁର୍ବ୍ୟବହାର ଜାଣିବା ପାଇଁ ତଦନ୍ତ ହୋଇଥିବ ।'
