ନୂଆଦିଲ୍ଲୀ, ୫/୧୨ : ଦେବେନ୍ଦ୍ର ଫଡ଼ଣବୀଶ ମହାରାଷ୍ଟ୍ରର ନୂଆ ମୁଖ୍ୟମନ୍ତ୍ରୀ ରୂପରେ ଶପଥ ନେଇଛନ୍ତି । ତାଙ୍କ ଶପଥ ଗ୍ରହଣ ସମାରୋହରେ ଶାହରୁଖ ଖାନ, ସଲମାନ ଖାନ ଏବଂ ସଞ୍ଜୟ ଦତ୍ତଙ୍କ ଭଳି ବଲିଉଡ଼ ଅଭିନେତାଙ୍କ ବ୍ୟତୀତ ମହାନ କ୍ରିକେଟର ସଚିନ ତେନ୍ଦୁଲକର ବି ଉପସ୍ଥିତ ଥିଲେ । ଫଡ଼ଣବୀଶଙ୍କ ବ୍ୟତୀତ ଏକନାଥ ସିନ୍ଦେ ଏବଂ ଅଜିତ ପାଓ୍ବାର ଉପମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି । ସଚିନ ନିଜ ସ୍ତ୍ରୀ ଅଞ୍ଜଳୀ ତେନ୍ଦୁଲକରଙ୍କ ସହ ଶପଥ ଗ୍ରହଣ ସମାରୋହରେ ପହଞ୍ଚିଥିଲେ । ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବ୍ୟତୀତ ଜେପି ନଡ୍ଡା ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବି ଆଜାଦ ମୈଦାନରେ ଉପସ୍ଥିତ ଥିଲେ ।
ସଚିନ ତେନ୍ଦୁଲକର କିଛି ଦିନରେ ଦ୍ବିତୀୟ ଥର ଚର୍ଚ୍ଚାରେ ଆସିଛନ୍ତି । ନିକଟରେ ତାଙ୍କୁ ନିଜ କୋଚ ରମାକାନ୍ତ ଆଚରେକରଙ୍କ ସ୍ମୃତିରେ ସ୍ମାରକୀ ଉନ୍ମୋଚନ ଉତ୍ସବରେ ବିନୋଦ କାମ୍ବଲୀଙ୍କୁ ଭେଟିବାର ଦେଖାଯାଇଥିଲା। ସଚିନ ଏବଂ କାମ୍ବଲୀଙ୍କ ଭିଡ଼ିଓ ଖୁବ୍ ଭାଇରାଲ ହୋଇଥିଲା । ପ୍ରକାଶ ଯେ, ଆଦିତ୍ୟ ବିରଲା ଗ୍ରୁପର ଚେୟାରମ୍ୟାନ କୁମାର ମଙ୍ଗଲମ ବିରଲା ବି ଏହି ସମାରୋହରେ ସାମିଲ ହୋଇଥିଲେ ।
ଏହା ତୃତୀୟ ଥର ଲାଗି ଯାହା କି ଦେବେନ୍ଦ୍ର ଫଡ଼ଣବୀଶ ମହାରାଷ୍ଟ୍ରର ମୁଖ୍ୟମନ୍ତ୍ରୀ ହୋଇଛନ୍ତି । ଏହି ସମାରୋହରେ ଅନ୍ୟମାନଙ୍କ ମଧ୍ୟରେ ଭାରତର ବିଜନେଶ ଟାଇକୁନ ମୁକେଶ ଅମ୍ବାନୀ ଏବଂ ଗୌତମ ଅଡାନୀ ବି ସାମିଲ ହୋଇଥିଲେ ।
