ଭୋଗରାଇ,୧୬/୧୦: ଦିନ ଦ୍ୱିପ୍ରହରରେ ଘରେ କଳାକନା ବୁଲାଇଲେ ଦୁର୍ବୃତ୍ତ । ୨୦ଭରି ୬୦୦ ମିଲି ଗ୍ରାମ ଓଜନର ସୁନା ଅଳଙ୍କାର ସହ ୩ଲକ୍ଷ ୫୦ହଜାର ଟଙ୍କା ଲୁଟ୍ । ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ ବାଡ଼ସରିସା ଗ୍ରାମରେ ଅରୁଣ କୁମାର ପତିଙ୍କ ଘରୁ ଏହି ଲୁଟ୍ ହୋଇଛି ।
ସୂଚନା ମୁତାବକ, ବାଡ଼ସରିସା ଗ୍ରାମରେ ଅରୁଣ କୁମାର ପତି ଏବଂ ତାଙ୍କ ପରିବାରର ସମସ୍ତ ସଦସ୍ୟ ମାନେ କୌଣସି ଏକ କାର୍ଯ୍ୟରେ ବାହାରକୁ ଯାଇଥିଲେ । ଘରର ମାଲିକ ଅରୁଣ ଫେରିଲା ବେଳକୁ ଘରର ସମସ୍ତ ତାଲା ଭଙ୍ଗା ଯିବା ସହିତ ଆଲମାରୀ ମଧ୍ୟ ଭଙ୍ଗା ହୋଇପଡିଥିବାର ଦେଖିବାକୁ ପାଇଥିଲେ । ଆଲମାରୀ ଭିତରେ ଥିବା ନଗଦ ୩ଲକ୍ଷ ୫୦ହଜାର ଟଙ୍କା ସହ ୨୦ଭରି ୬୦୦ ମିଲି ଗ୍ରାମ ଓଜନର ସୁନା ଅଳଙ୍କାର ଲୁଟ ହୋଇଥିଲା । ଲୁଟ୍ ହୋଇଥିବା ଜାଣିପାରି ତୁରନ୍ତ ତାଳସାରୀ ସାମୁଦ୍ରିକ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ଘଟଣାସ୍ଥଳରେ ଉପସ୍ଥିତ ରହି ତଦନ୍ତ କରୁଛି ପୋଲିସ ।