ହରଭଙ୍ଗା, ୨୬।୬ : ହରଭଙ୍ଗା ଥାନା ଛକ ଠାରୁ ମହାନଦୀ ଘାଟ ରାସ୍ତା ଶୋଚନୀୟ l ଟିକିଏ ବର୍ଷାରେ କାଦୁଅ ପଚ ପଚ l ଏହି ରାସ୍ତା ଗ୍ରାମର ମୁଖ୍ୟ ରାସ୍ତା ହୋଇଥିବା ବେଳେ ବର୍ତ୍ତମାନ କାଦୁଅ ପାଣିରେ ଭର୍ତ୍ତି l ଏହି ରାସ୍ତା ଦେଇ ପ୍ରତିଦିନ ସାଇ ମନ୍ଦିର, ଶିବ ମନ୍ଦିର ଦର୍ଶନ ସହିତ ମହାନଦୀକୁ ସ୍ନାନ ଶୌଚ ପାଇଁ ଗ୍ରାମବାସୀ ନିର୍ଭର କରନ୍ତି । 

ବର୍ତ୍ତମାନ ବର୍ଷା ଟିକିଏ ହେଲେ ବର୍ଷାରେ ରାସ୍ତା  ଅବସ୍ଥା ବେହାଲ l ଅନ୍ୟ ପଟେ ପ୍ରତିଦିନ ଶହ ଶହ ହାଇଓ୍ବା ଓ ଟ୍ରାକ୍ଟର ରେ ବାଲି ଚାଲାଣ ରାସ୍ତାକୁ ନଷ୍ଟ କରୁଛି l ଉକ୍ତ ରାସ୍ତା ନିର୍ମାଣ ଦିଗରେ ସ୍ଥାନୀୟ ସରପଞ୍ଚ ଙ୍କୁ ବାରମ୍ବାର ଗ୍ରାମବାସୀ ତରଫରୁ ଅଭିଯୋଗ କରାଯାଇଥିଲେ ମଧ୍ୟ ଆଜି ପର୍ଯ୍ୟନ୍ତ ସ୍ଥାୟୀ ରାସ୍ତା ହୋଇନଥିବାରୁ ଗ୍ରାମବାସୀ ଅସନ୍ତୋଷ ପ୍ରକାଶ କରିଛନ୍ତି l ସେପଟେ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ମଧ୍ୟ ଉକ୍ତ ରାସ୍ତାକୁ ନେଇ ଗ୍ରାମବାସୀ ଦୃଷ୍ଟି ଆକର୍ଷଣ କରିଥିବା କହିଛନ୍ତି l ଏଣୁ ଜିଲ୍ଲାପାଳ ଏହି ରାସ୍ତା ଉପରେ ସ୍ୱତନ୍ତ୍ର ଦୃଷ୍ଟି ଦେଇ ସ୍ଥାୟୀ ରାସ୍ତା ନିର୍ମାଣ ପାଇଁ   ଗ୍ରାମର ପବିତ୍ର ପ୍ରଧାନ, ନନ୍ଦନ ଦେହୁରୀ ପ୍ରମୁଖ ଦାବି କରିଛନ୍ତି l