ପାଟଣାଗଡ,୩୧/୫ : ପାଟଣାଗଡ଼ କେନ୍ଦୁମଣ୍ଡି ରାସ୍ତାରେ ଥିବା କପା ମିଲ ନିକଟରେ ସଡ଼କ ଦୁର୍ଘଟଣା । ଶୁକ୍ରବାର ସନ୍ଧ୍ୟାରେ ଏକ ଅଟୋ ସହ କୁକୁଡ଼ା ବୋଝେଇ ଗାଡ଼ି ଧକ୍କା ହୋଇଛି । ଏଥିରେ ୧୦ଜଣ ଯାତ୍ରୀ ଆହତ ହୋଇଥିବାବେଳେ ୬ଜଣ ଗୁରୁତର ହୋଇପଡ଼ିଛନ୍ତି । ସମସ୍ତ ଗୁରୁତରଙ୍କୁ ବଲାଙ୍ଗିର ଭୀମଭୋଇ ମେଡ଼ିକାଲକୁ ସ୍ଥାନାନ୍ତର କରାଯାଇଛି ।
ସୂଚନା ଅନୁଯାୟୀ, ଚିଙ୍ଗେର୍ ବନ୍ଦ୍ ଗାଁର ଲୋକେ ଶୁକ୍ରବାର ଏକ ଅଟୋ ଯୋଗେ ବଗଲା ବନ୍ଦକୁ ସଂକୀର୍ତ୍ତନ ଦେଖିବାକୁ ଯାଉଥିଲେ । ଏହି ସୟରେ ଏକ କୁକୁଡ଼ା ବୋଝେଇ ଗାଡ଼ି ସହ ଧକ୍କା ହୋଇଥିଲା । ସ୍ଥାନୀୟ ଲୋକେ ଏହା ଦେଖି ସଙ୍ଗେ ସଙ୍ଗେ ଉଦ୍ଧାର କରିବା ସହ ପୋଲିସକୁ ଖବର ଦେଇଥିଲେ । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ଆହତମାନଙ୍କୁ ମେଡ଼ିକାଲକୁ ପଠାଇଛି ।