ନୂଆଦିଲ୍ଲୀ: ମେକ୍ସିକୋରୁ ଏକ ଆଶ୍ଚର୍ଯ୍ୟଜନକ ଖବର ଏବେ ସାମ୍ନାକୁ ଆସିଛି। ଜଣେ ଜଣାଶୁଣା ଅଭିନେତ୍ରୀ ପରମ୍ପରାର ବସବର୍ତ୍ତି ହୋଇ ଏବେ ମୃତ୍ୟୁବରଣ କରିଛନ୍ତି। ଆଧ୍ୟାତ୍ମିକ ଭାବରେ ନିଜକୁ ଶୁଦ୍ଧ କରିବାକୁ ଯାଇ ଏକ ଅମେଜେନିୟମ ବେଙ୍ଗର ଲାଳ ପିଇଥିଲେ ଅଭିନେତ୍ରୀ । ଏହା ଦ୍ବାରା ତାଙ୍କ ମନ ଏବଂ ଶରୀର ଶୁଦ୍ଧ ହେବ ବୋଲି ତାଙ୍କର ବିଶ୍ବାସ ରହିଥିଲା। ତେବେ ରକ୍ତ ପିଇବାର କିଛି ସମୟ ପରେ ତାଙ୍କୁ କିଛି ଯନ୍ତ୍ରଣା ଅନୁଭବ ହୋଇଥିଲା । ଏହା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା, କିନ୍ତୁ କିଛି ସମୟ ପରେ ତାଙ୍କର ସେଠାରେ ମୃତ୍ୟୁ ହୋଇଥିଲା ।
ରିପୋର୍ଟ ଅନୁଯାୟୀ ୩୩ ବର୍ଷିୟ ଅଭିନେତ୍ରୀ ମାର୍ସେଲା ଅଲକାଜାର ରୋଡ୍ରିଗେଜ୍ ଏକ ପାରମ୍ପାରିକ ଦକ୍ଷିଣ ଆମେରିକୀୟ କାମ୍ବୋ ରୀତିନୀତିରେ ଅଂଶଗ୍ରହଣ କରିଥିଲେ, ଯେଉଁଥିରେ ପାଣି ପିଇବା, ଶରୀରକୁ ଜାଳିବା ଏବଂ ବେଙ୍ଗ ଲାଳ ପିଇବା ସହିତ ଶରୀରରୁ ବିଷାକ୍ତ ପଦାର୍ଥ ସଫା କରାଯାଇଥାଏ। ତେବେ ଏହା ଶୁଣିବା ଯେତିକି କଷ୍ଟକର, ଏହି ରୀତିନୀତିର ମଧ୍ୟ ସାଂଘାତିକ ପରିଣାମ ରହିଛି। ଏବେ ଆସନ୍ତୁ ଜାଣିବା ଏହି କମ୍ବୋ ଅନୁଷ୍ଠାନ କ’ଣ…
ଅନୁଷ୍ଠାନରେ ଭାଗ ନେବା ପାଇଁ ହେଲେ ପ୍ରତିଯୋଗୀଙ୍କୁ ଏକ ଲିଟରରୁ ଅଧିକ ପାଣି ପିଇବାକୁ କୁହାଯାଇଥାଏ । ତା’ପରେ ତାଙ୍କ ଚର୍ମରେ ଛୋଟ ଛୋଟ କ୍ଷତ ତିଆରି କରାଯାଏ, ଯାହା ପରେ କ୍ଷତରେ ବେଙ୍ଗର ଲାଳ ପ୍ରୟୋଗ କରାଯାଏ । ତେବେ ଏହି ଲାଳରେ ବିଷ ଥାଏ । ବିଶେଷଜ୍ଞଙ୍କ ଅନୁଯାୟୀ, ବେଙ୍ଗର ଲାଳ ରକ୍ତଚାପ ବଢାଇଥାଏ ଏବଂ ବାନ୍ତି ସୃଷ୍ଟି କରିଥାଏ । ଅଭିନେତ୍ରୀଙ୍କ କ୍ଷେତ୍ରରେ ବାନ୍ତି ଅତ୍ୟନ୍ତ ତୀବ୍ର ହେଲା ଏବଂ ତାଙ୍କ ଶରୀର ଏହାକୁ ସହ୍ୟ କରିପାରିନଥିଲା । କେତେକ କ୍ଷେତ୍ରରେ ଏହା ଝାଡା ମଧ୍ୟ ସୃଷ୍ଟି କରିଥାଏ । ଅନ୍ୟାନ୍ୟ ଲକ୍ଷଣ ମଧ୍ୟରେ ବାନ୍ତି, ମୁଣ୍ଡ ବୁଲାଇବା, ଓଠ ଏବଂ ମୁହଁ ଫୁଲିବା ହୋଇଥାଏ ।
