ଭୁବନେଶ୍ୱର,୧୯/୧୦: ଭାରତର ଅନ୍ୟତମ ବିଶ୍ୱସନୀୟ ଗହଣା ବ୍ରାଣ୍ଡ ରିଲାଏନ୍ସ ଜୁଏଲ୍ସ ପାର୍ବଣ ଋତୁ ପାଇଁ ଏହାର ନୂତନ "ବିବାହମ୍' ୱେଡିଂ କଲେକ୍ସନର ଶୁଭାରମ୍ଭ କରିଛି । ଏହି ସ୍ୱତନ୍ତ୍ର କଲେକ୍ସନ ପରମ୍ପରା ଓ ଆଧୁନିକ ବିଳାସପୂର୍ଣ୍ଣତାର ସୌନ୍ଦର୍ଯ୍ୟକୁ ଧାରଣ କରିଥିବା ବ୍ରାଇଡାଲ ଜୁଏଲାରୀ ପ୍ରଦାନ କରିବା ପାଇଁ ବ୍ରାଣ୍ଡର ପ୍ରତିବଦ୍ଧତାକୁ ସୁଦୃଢ କରିଛି । ନୂଆ କରି ଶୁଭାରମ୍ଭ ହୋଇଥିବା ଏହି କଲେକ୍ସନରେ ସୁନ୍ଦର ଭାବେ ନିର୍ମିତ ଚୋକର, ବ୍ୟାଙ୍ଗେଲ, ଇୟରିଙ୍ଗ୍, ନେକ୍ଲେସ୍, ହାଥ୍ ଫୁଲ୍, ମାଙ୍ଗ୍ ଟିକା, ନୋଜ୍ ରିଙ୍ଗ୍ ଓ ୱେଷ୍ଟ ବେଲ୍ଟ ଆଦି ସାମିଲ ରହିଛି ।
ବିବାହମ୍ କଲେକ୍ସନରେ ୮ଟି ସ୍ୱତନ୍ତ୍ର ପିସ୍ ରହିଛି ଯାହାକୁ ଉଭୟ ସୁନା ଓ ହୀରାରେ ପ୍ରସ୍ତୁତ କରାଯାଇଛି ଏବଂ ଏହା ଆଧୁନିକ ବଧୁଙ୍କ ପାଇଁ ବିଳାସପୂର୍ଣ୍ଣତା ଓ ଆଧୁନିକତାକୁ ଧାରଣ କରିଛି । ଏହି କଲେକ୍ସନରେ ଆଞ୍ଚଳିକ ବିବାହ ଅଳଙ୍କାରର ଏକ ବିସ୍ତୃତ ଶୃଙ୍ଖଳା ଅନ୍ତର୍ଭୁକ୍ତ ଯାହା ବିଭିନ୍ନ ଅଞ୍ଚଳର ସ୍ୱତନ୍ତ୍ର ସାଂସ୍କୃତିକ ପରିଚୟକୁ ପ୍ରତିଫଳନ କରୁଛି । ଏହି ଶୁଭାରମ୍ଭକୁ ପାଳନ କରିବା ପାଇଁ ରିଲାଏନ୍ସ ଜୁଏଲ୍ସ ପକ୍ଷରୁ "ବ୍ରାଇଡ୍ସ ଅଫ୍ ବିବାହମ୍' କ୍ୟାମ୍ପେନ ଶୁଭାରମ୍ଭ କରାଯାଇଛି ଯାହା ଆଧୁନିକ ବଧୁଙ୍କ ଜୀବନ୍ତ ଉତ୍ସାହକୁ ଚିତ୍ରଣ କରିଛି ।
ଏ ପରିପ୍ରେକ୍ଷୀରେ ରିଲାଏନ୍ସ ଜୁଏଲ୍ସର ସିଇଓ ସୁନୀଲ ନାୟକ କହିଛନ୍ତି, "ଭାରତରେ ବିବାହ ଗଭୀର ଭାବନାତ୍ମକ ଓ ସାଂସ୍କୃତିକ ମହତ୍ୱକୁ ଧାରଣ କରିଥାଏ ଏବଂ ବ୍ରାଇଡାଲ ଜୁଏଲାରୀ ହେଉଛି ଏହି ଉତ୍ସବଗୁଡିକର କେନ୍ଦ୍ରବିନ୍ଦୁ । ବିବାହ ଋତୁ ପାଳନ କରିବା ପାଇଁ ରିଲାଏନ୍ସ ଜୁଏଲ୍ସ ପକ୍ଷରୁ ଆସନ୍ତା ନଭେମ୍ୱର ୧୧ ତାରିଖ ପର୍ଯ୍ୟନ୍ତ ସୁନା ଅଳଙ୍କାର ମେକିଙ୍ଗ୍ ଚାର୍ଜ ଉପରେ ୨୫% ପର୍ଯ୍ୟନ୍ତ ରିହାତି ଏବଂ ହୀରା ମୂଲ୍ୟ ଓ ମେକିଂ ଚାର୍ଜ ଉପରେ ୩୦% ପର୍ଯ୍ୟନ୍ତ ରିହାତି ପ୍ରଦାନ କରାଯାଉଛି ।
