ଭୁବନେଶ୍ବର, ୨୧।୧୦ ସମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଓଡିଶା ଗସ୍ତ ସ୍ଥଗିତ ରଖାଯାଇଛି। ଆସନ୍ତା ୨୩ ତାରିଖରେ  ରାଷ୍ଟ୍ରପତି ଓଡ଼ିଶା ଆସିବେ ନାହିଁ। 

ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆସନ୍ତା ୨୩ ତାରିଖରୁ ୩ଦିନିଆ ଗସ୍ତ କରିବାର ଥିଲା। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହି ଗସ୍ତ କାଳରେ ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି, ଉପରବେଡ଼ା, ରାଇରଙ୍ଗପୁର ସହ ପୁରୀ ଓ ଭୁବନେଶ୍ବରରେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଥାନ୍ତେ। ମୟୂରଭଞ୍ଜରେ ୬ଟି  ପ୍ରକଳ୍ପର ଶିଳାନ୍ୟାସ  କରିଥାନ୍ତେ । ଶ୍ରୀକ୍ଷେତ୍ରରେ ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ ପରେ   ଭୁବନେଶ୍ୱରରେ ୨ଟି କାର୍ଯ୍ୟକ୍ରମରେ ଯୋଗ ଦେବାର ଥିଲା ।  ୨୫ ତାରିଖ ସକାଳେ ନିଳାଦ୍ରୀବିହାରରେ ପ୍ରତିମୂର୍ତ୍ତି  ଉନ୍ମୋଚନ  କରିବାର ଥିଲା। ତେବେ ବାତ୍ୟା ଯୋଗୁ ଏହି ରାଷ୍ଟ୍ରପତିଙ୍କ ଗସ୍ତକୁ ସ୍ଥଗିତ ରଖାଯାଇଛି।