ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଆଖି ଅପରେସନ ସଫଳ ହୋଇଛି। ତାଙ୍କର ଆଖିରେ ମତିଆ ବିନ୍ଦୁ ସମସ୍ୟା ରହିଥିଲା। ଅପରେସନ ପରେ ତାଙ୍କୁ ବିଶ୍ରାମ ନେବାକୁ ଡାକ୍ତର ପରାମର୍ଶ ଦେଇଛନ୍ତି।
{"id":478581,"sizeSlug":"full","linkDestination":"none"}
ଏନେଇ ସେନା ହସ୍ପିଟାଲ ପକ୍ଷରୁ କୁହାଯାଇଛି ଯେ, ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ପୂର୍ବାହ୍ନ ୧୧ ଟା ୩୦ ସମୟରେ ଦିଲ୍ଲୀ କ୍ୟାଣ୍ଟ ସ୍ଥିତ ଆର୍ମି ହସ୍ପିଟାଲ ରିସର୍ଚ୍ଚ ଆଣ୍ଡ ରେଫରଲରେ ଭର୍ତ୍ତି କରାଯାଇଥିଲା। ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ବାମ ଆଖିରେ ମତିଆ ବିନ୍ଦୁ ସମସ୍ୟା ରହିଥିଲା। ଏହାକୁ ସର୍ଜରି କରି ଠିକ୍ କରାଯାଇଛି। ସର୍ଜରି ବ୍ରିଗେଡିୟର ଏସକେ ମିଶ୍ରା ଓ ତାଙ୍କ ଟିମ୍ ଦ୍ୱାରା ଅପରେସନ କରାଯାଇଥିଲା। ଏହାପରେ ଅପରାହ୍ନ ୧ ଟା ୩୦ ସମୟରେ ତାଙ୍କୁ ହସ୍ପିଟାଲରୁ ଡିସଚାର୍ଚ୍ଚ କରାଯାଇଥିଲା। ସେନା ହସ୍ପିଟାଲ ପକ୍ଷରୁ କୁହାଯାଇଛି, ରାଷ୍ଟ୍ରପତିଙ୍କୁ ବିଶ୍ରାମ ନେବାକୁ ପରାମର୍ଶ ଦିଆଯାଇଛି। ସେ ବର୍ତ୍ତମାନ ସୁସ୍ଥ ଅଛନ୍ତି।
