ବ୍ରହ୍ମପୁର,୨୫/୫ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ମନ୍ କି ବାତରେ ଗଞ୍ଜାମର ଭାରୋତ୍ତୋଳନ ପ୍ରତିଯୋଗୀ ହର୍ଷବର୍ଦ୍ଧନ ସାହୁଙ୍କୁ ଢେର୍ ପ୍ରଶଂସା କରିଛନ୍ତି। ବିହାରରେ ହୋଇଥିବା ଖେଲୋ ଇଣ୍ଡିଆ ଯୁବ କ୍ରୀଡ଼ା-୨୦୨୫ରେ ହର୍ଷବର୍ଦ୍ଧନଙ୍କ ପ୍ରଦର୍ଶନ ଉଚ୍ଚକୋଟୀର ଥିଲା। ସେ ନୂଆ ରେକର୍ଡ ନିଜ ନାମରେ କରିଥିଲେ।
ତାଙ୍କର ଏଭଳି ପ୍ରଦର୍ଶନ ବାସ୍ତବିକ୍ ପ୍ରଶଂସନୀୟ ବୋଲି ପ୍ରଧାନମନ୍ତ୍ରୀ ମନ୍ କି ବାତରେ କହିଥିଲେ। ପୁରୁଷ ୪୯କିଲୋ ବର୍ଗରେ ହର୍ଷବର୍ଦ୍ଧନ ରାଜ୍ୟ ପାଇଁ ସ୍ବର୍ଣ୍ଣ ପଦକ ଆଣି ଦେଇଥିଲେ। ସେ ସ୍ନାଚରେ ୮୮ କିଲୋ ଏବଂ କ୍ଲିନ୍ ଆଣ୍ଡ ଜର୍କରେ ୧୧୫କିଲୋ ସହ ମୋଟ ୨୦୩କିଲୋ ଉଠାଇ ପ୍ରଥମ ସ୍ଥାନ ଅଧିକାର କରିଥିଲେ। ଏଥିସହ ସେ ସ୍ନାଚ୍ ଓ ମୋଟ ଓଜନରେ ଦୁଇଟି ନୂଆ ଜାତୀୟ ରେକର୍ଡ଼ ସୃଷ୍ଟି କରିଥିଲେ।
