ନୂଆଦିଲ୍ଲୀ,୨୫/୦୫: ଉପନିର୍ବାଚନ ନେଇ ବିଗୁଲ ବାଜିଛି । ୪ ରାଜ୍ୟର ୫ ବିଧାନସଭା ଆସନରେ ଉପନିର୍ବାଚନ ଅନୁଷ୍ଠିତ ହେବ । ଗୁଜରାଟ, ପଶ୍ଚିମବଙ୍ଗ, ପଞ୍ଜାବ ଓ କେରଳ ବିଧାନସଭା ଆସନରେ ଭୋଟ୍ ହେବ । ଆସନ୍ତା ଜୁନ୍ ୧୯ରେ ଭୋଟ୍ ଗ୍ରହଣ ହେବ । ଜୁନ୍ ୨୩ରେ ମତଗଣନା ସହିତ ଫଳାଫଳ ପ୍ରକାଶ ପାଇବ । ଏ ନେଇ ନିର୍ବାଚନ ଆୟୋଗଙ୍କ ପକ୍ଷରୁ ବିଜ୍ଞପ୍ତି ଜାରି ହୋଇଛି ।
ଗୁଜରାଟର ଦୁଇଟି ଆସନ୍ରେ ଭୋଟ୍ ହେବ । କଡ଼ି ଏବଂ ବିସାବଦର ଆସନ ଖାଲି ପଡ଼ିଛି । କଡି ବିଧାୟକ କର୍ସନଭାଇ ପଞ୍ଜାଭାଇ ସୋଲନୀଙ୍କ ବିୟୋଗ ପରେ ଆସନ ଖାଲି ରହିଛି । ସେହିପରି ବିସାବଦର ନିର୍ବାଚନ ମଣ୍ଡଳୀରୁ ବିଧାୟକ ହୋଇଥିବା ଭୟାନୀ ଭୂପେନ୍ଦ୍ରଭାଇଙ୍କ ଇସ୍ତଫା ପରେ ଆସନ ଖାଲି ରହିଛି । ପଶ୍ଚିମବଙ୍ଗର କାଳିଗଞ୍ଜ, ପଞ୍ଜାବର ପଶ୍ଚିମ ଲୁଧିଆନା ଏବଂ କେରଳର ନିଳାମ୍ବୁର ଆସନରେ ଉପନିର୍ବାଚନ ଅନୁଷ୍ଠିତ ହେବ । ସେହିପରି କେରଳର ନିଳାମ୍ବୁରରୁ ବିଧାୟକ ଥିବା ପିଭି ଅନୱାର ଇସ୍ତଫା ଦେଇଥିଲେ । ଯେଉଁଥିପାଇଁ ଏହି ଆସନ୍ ଖାଲି ପଡିଛି । ସେହିପିର ପଞ୍ଜାବ ଲୁଧିଆନା ପଶ୍ଚିମ ଆସନରୁ ବିଧାୟକ ହୋଇଥିବା ଗୁରପ୍ରୀତ ବାସୀ ଗୋଗୀଙ୍କ ବିୟୋଗ ପରେ ଆସନ ଖାଲି ପଡିଛି । ପଶ୍ଚିମବଙ୍ଗ କାଳିଗଞ୍ଜରେ ମଧ୍ୟ ବିଧାୟକ ଭାବେ ନିର୍ବାଚିତ ହୋଇଥିବା ନସିରୁଦ୍ଦିନ ଅହମ୍ମଦଙ୍କ ଦେହାନ୍ତ ପରେ ଆସନ ଖାଲି ରହିଛି ।
The Election Commission of India announces the schedule for Bye-election to 5 Assembly Constituencies of Gujarat, Kerala, Punjab and West Bengal.
— ANI (@ANI) May 25, 2025
Date of Poll- 19th June
Date of Counting of Votes- 23rd June pic.twitter.com/A06DBntAkN
ଜୁନ୍ ୧୯ରେ ଭୋଟ୍ ଗ୍ରହଣ ହେବ । ଏ ନେଇ ନାମାଙ୍କନ ଦାଖଲର ଶେଷ ଦିନ ଜୁନ୍ ୨ ରହିଛି । ଜୁନ୍ ୫ରେ ନାମାଙ୍କନ ପ୍ରତ୍ୟାହାର ତାରିଖ ରହିଛି । ଜୁନ୍ ୨୩ରେ ଭୋଟ୍ ଗଣନା ସହିତ ଫଳାଫଳ ପ୍ରକାଶ ପାଇବ ।
