ନୂଆଦିଲ୍ଲୀ,୨୨/୦୪: ଆଜିଠୁ ଦୁଇଦିନିଆ ସାଉଦି ଆରବ ଗସ୍ତରେ ଯିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସାଉଦି ଆରବ ପ୍ରଧାନମନ୍ତ୍ରୀ ମହମ୍ମଦ ବିନ୍ ସଲମାନଙ୍କ ନିମନ୍ତ୍ରଣକ୍ରମେ ପ୍ରଧାନମନ୍ତ୍ରୀ ସାଉଦି ଯିବେ । ପୂର୍ବରୁ ୨୦୧୬ ଓ ୨୦୧୯ରେ ପ୍ରଧାନମନ୍ତ୍ରୀ ସାଉଦ ଆରବ ଗସ୍ତ କରିଥିଲେ । ଏହା ତାଙ୍କର ତୃତୀୟ ଗସ୍ତ । ମୋଦିଙ୍କ ସ୍ୱାଗତ ପାଇଁ ଜୋରଦାର ପ୍ରସ୍ତୁତି ଚାଲିଛି ।

ଭାରତ ଓ ସାଉଦି ଆରବ ମଧ୍ୟରେ ସାମାଜିକ, ବାଣିଜ୍ୟିକ ଓ ସାଂସ୍କୃତିକ ସମ୍ବନ୍ଧ ରହିଛି । ପ୍ରତିରକ୍ଷା, ପୁଞ୍ଜି ନିବେଶ, ଶକ୍ତି ଓ ପ୍ରଯୁକ୍ତିବିଦ୍ୟା କ୍ଷେତ୍ରରେ ନିବିଡ଼ ସମ୍ପର୍କ ରହିଛି । ପ୍ରଧାନମନ୍ତ୍ରୀଙ୍କ ଏହି ଗସ୍ତ ଦୁଇଦେଶ ମଧ୍ୟରେ ସମ୍ପର୍କରୁ ଆହୁରି ସୃଦୁଢ କରିବ । ଦୁଇ ନେତାଙ୍କ ମଧ୍ୟରେ ବୈଶ୍ୱିକ ମୁଦ୍ଦା ଉପରେ ଆଲୋଚନା ହେବ । ୨୦୨୩ ଜି ୨୦ ଶିଖର ସମ୍ମିଳନୀରେ ଯୋଗ ଦେବାକୁ ଭାରତ ଆସିଥିଲେ ସାଉଦି ଆରବ ପ୍ରଧାନମନ୍ତ୍ରୀ ମହମ୍ମଦ ବିନ୍ ସଲମାନ । ଏହି ଅବସରରେ ଭାରତ-ସାଉଦି ଆରବ ଦ୍ୱିପାକ୍ଷିକ ସହଯୋଗୀ ପରିଷଦ ବୈଠକରେ ସେ ଅଧକ୍ଷତା କରିଥିଲେ । ସାଉଦିରେ ପ୍ରଧାନମନ୍ତ୍ରୀଙ୍କ ସ୍ୱାଗତ ପାଇଁ ବ୍ୟାପକ ବ୍ୟବସ୍ଥା ହୋଇଛି ।

ଅଧିକ ପଢନ୍ତୁ...ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିଲେ ଆମେରିକା ଉପରାଷ୍ଟ୍ରପତି ଜେଡି ଭାନ୍ସ; ଆଲୋଚନାରେ ବାଣିଜ୍ୟିକ ବୁଝାମଣା ଉପରେ ରହିପାରେ ଫୋକସ୍

କେଉଁ ମୁଦ୍ଦା ଉପରେ ହେବ ଚର୍ଚ୍ଚା ? ବିଦେଶ ସଚିବଙ୍କ ପକ୍ଷରୁ ମିଳିଥିବା ସୂଚନା ଅନୁସାରେ,ଭାରତରେ ୧୦୦ବିଲିୟନ ଆମେରିକୀୟ ଡଲାର ନିବେଶ ଯୋଜନାକୁ ସୁବିଧାଜନକ କରିବାକୁ ପଦକ୍ଷେପ ନେବା ଉପରେ ଚର୍ଚ୍ଚା ହେବ । ଯେମିତି କି ୨୦୧୯ରେ କ୍ରାଉନ୍ ଫ୍ରିନ୍ସ ଭାରତ ଗସ୍ତରେ ଆସି ଘୋଷଣା କରିଥିଲେ । ସେ କିଛି ମୁଦ୍ଦା ଉଠାଇଥିଲେ ଏବଂ ଆମେ ତାହା ଉପରେ କାମ କରିଛୁ । ପ୍ରସ୍ତାବିତ ନିବେଶରେ ଗତି ଆଣିବାକୁ ୨୦୨୩ ଅକ୍ଟୋବରରେ ଉଚ୍ଚସ୍ତରୀୟ ଟାକ୍ସ ଫୋର୍ସ (HLTFI) ସ୍ଥାପନ ହୋଇଥିଲା ।

ବିଦେଶ ସଚିବ ଆହୁରି କହିଛନ୍ତି, ପିଏମ୍ ମୋଦି ଓ ସାଉଦି ଆରବ ପ୍ରଧାନମନ୍ତ୍ରୀ ମହମ୍ମଦ ବିନ୍ ସଲମାନଙ୍କ ମଧ୍ୟରେ ହେବାକୁ ଥିବା ଦ୍ୱିପାକ୍ଷିକ ଆଲୋଚନାରେ ବହୁ ମହତ୍ତ୍ୱାକାକ୍ଷୀଂ ଭାରତ-ମଧ୍ୟ-ପୂର୍ବ-ୟୁରୋପ-ଆର୍ଥିକ (ଆଇଏମଇସି) ପରିଯୋଜନା ରହିଛି । ଏହା ସହିତ ଇସ୍ରାଏଲ- ହମାସ ଯୁଦ୍ଧ ସହିତ ଋଷ-ୟୁକ୍ରେନ ସ୍ଥିତି ଉପରେ ଚର୍ଚ୍ଚା ହୋଇପାରେ ।