ଚିଲିକା,୨୬/୦୭: ମଝି ଚିଲିକାରେ ଫସିଲା ଡଙ୍ଗା । ଜହ୍ନିକୁଦାରୁ ସାତପଡ଼ା ଯାଉଥିବା ବେଳେ ଏଭଳି ଦୁର୍ଘଟଣା ଘଟିଛି । ଡଙ୍ଗାରେ ୧୭ ଜଣ ଯାତ୍ରୀଙ୍କ ସମେତ ମୋଟରସାଇକେଲ୍ ରହିଛି । ଯାନ୍ତ୍ରିକ ତ୍ରୁଟି ଯୋଗୁଁ ଏଭଳି ଘଟିଥିବାର ଖବର ମିଳିଛି ।
ସୂଚମା ଅନୁଯାୟୀ, ଏକ ଯାତ୍ରୀବାହୀ ଡ଼ଙ୍ଗା ପୁରୀ ଜିଲ୍ଲାର କୃଷ୍ଣପ୍ରସାଦ ବ୍ଲକ ଜହ୍ନିକୁଦା ଘାଟରୁ ସାତପଡ଼ା ଅଭିମୁଖେ ଯାଉଥିଲା । ଏହି ସମୟରେ ଯାନ୍ତ୍ରିକ ତ୍ରୁଟି କାରଣରୁ ମଝି ଚିଲିକାରେ ଫସିରହିଛି ଡଙ୍ଗା । ଡଙ୍ଗାରେ ଅଛନ୍ତି ୧୭ ଜଣ ଯାତ୍ରୀ ଏବଂ ସେମାନଙ୍କ ମୋଟରସାଇକେଲ୍ । ମଝି ଚିଲିକାରେ ଫସି ରହିଥିବା ଯାତ୍ରୀମାନଙ୍କୁ ଉଦ୍ଧାର କରିବା ପାଇଁ ଅନ୍ୟ ଯାତ୍ରୀବାହୀ ଡଙ୍ଗା ଘଟଣା ସ୍ଥଳରେ ପହଞ୍ଚିଥିବା ସୂଚନା ମିଳିଛି ।
