ନୂଆଦିଲ୍ଲୀ,୨୯/୦୪: ଏନଓଆରଆଇ ଭିସା ଥିବା ମୋଟ ୭୦ ଜଣ ପାକିସ୍ତାନୀ ନାଗରିକ ଭାରତରେ ପ୍ରବେଶ କରିଛନ୍ତି। ପୂର୍ବରୁ, ଭାରତରେ ବିବାହ କରିଥିବା ପାକିସ୍ତାନୀ ନାଗରିକମାନଙ୍କୁ ଭାରତ ଫେରିବାକୁ ଅନୁମତି ନଥିଲା। ତଥାପି, ଅଧିକାରୀମାନେ କହିଛନ୍ତି ଯେ ଭାରତୀୟ କର୍ତ୍ତୃପକ୍ଷ ସୋମବାର ଏନଓଆରଆଇ ଭିସା ଥିବା ପାକିସ୍ତାନୀ ନାଗରିକମାନଙ୍କୁ ଭାରତ ଯାତ୍ରା କରିବାକୁ ଅନୁମତି ଦେଇଛନ୍ତି।
ଆସମା ଦୁଇ ମାସ ପୂର୍ବରୁ ତାଙ୍କ ପିତାମାତାଙ୍କୁ ଭେଟିବାକୁ ପାକିସ୍ତାନ ଯାଇଥିଲେ କିନ୍ତୁ ପହଲଗାମ ଆତଙ୍କବାଦୀ ଆକ୍ରମଣ ପରେ କେନ୍ଦ୍ର ସରକାର ପଡ଼ୋଶୀ ଦେଶର ନାଗରିକଙ୍କୁ ଦିଆଯାଇଥିବା ସମସ୍ତ ଭିସା ବାତିଲ କରିବା ପରେ ସେ ଫେରିପାରି ନଥିଲେ। ଗତ ସପ୍ତାହରେ ମଙ୍ଗଳବାର ଦିନ, ପହଲଗାମରେ ଏକ ଆତଙ୍କବାଦୀ ଆକ୍ରମଣରେ ୨୬ ଜଣ ଲୋକ, ଅଧିକାଂଶ ପର୍ଯ୍ୟଟକଙ୍କ ମୃତ୍ୟୁ ହୋଇଥିଲା। ଭାରତ ଆସିବା ପାଇଁ ଅନୁମତି ପାଇ ଆସ୍ମା ଖୁସି ପ୍ରକାଶ କରିଛନ୍ତି।
ପହଲଗାମ ଆକ୍ରମଣ ପରେ ଗତ ଛଅ ଦିନ ମଧ୍ୟରେ ୱାଘା ସୀମା ଦେଇ ୧୦୦୦ ରୁ ଅଧିକ ଭାରତୀୟ ପାକିସ୍ତାନରୁ ଘରକୁ ଫେରିଛନ୍ତି। ପହଲଗାମ ଆତଙ୍କବାଦୀ ଆକ୍ରମଣ ପରେ ତାଙ୍କର ଭିସା ବାତିଲ ହୋଇଯିବାରୁ ତାଙ୍କୁ ତାଙ୍କର ଯାତ୍ରା ବାତିଲ କରିବାକୁ ପଡିଲା। ଜଣେ ସରକାରୀ ଅଧିକାରୀ କହିଛନ୍ତି ଯେ, ଗତ ଛଅ ଦିନ ମଧ୍ୟରେ ୱାଘା ସୀମା ଦେଇ ପାକିସ୍ତାନରୁ ୧୦୦୦ ରୁ ଅଧିକ ଭାରତୀୟ ଘରକୁ ଫେରିଛନ୍ତି। ସେହିପରି ସୋମବାର ସୁଦ୍ଧା ୮୦୦ ରୁ ଅଧିକ ପାକିସ୍ତାନୀ ସ୍ୱଦେଶ ଫେରିଛନ୍ତି। ଉଭୟ ଦେଶର ଦୀର୍ଘକାଳୀନ ଭିସା ଧାରକମାନେ ନିଜ ଦେଶକୁ ଫେରିବାରେ ସମସ୍ୟାର ସମ୍ମୁଖୀନ ହେଉଛନ୍ତି। ରବିବାର ଦିନ, ୨୩୬ ଜଣ ପାକିସ୍ତାନୀ ନିଜ ଦେଶକୁ ଫେରିଛନ୍ତି ଏବଂ ୧୧୫ ଜଣ ଭାରତୀୟ ନିଜ ଦେଶରେ ପହଞ୍ଚିଛନ୍ତି।
ପ୍ରକାଶ ଥାଉକି, ଏପ୍ରିଲ ୨୨ ତାରିଖରେ କାଶ୍ମୀରର ପହଲଗାମରେ ଆତଙ୍କବାଦୀମାନେ ଗୁଳି ଚଳାଇ ୨୬ ଜଣଙ୍କର ମୃତ୍ୟୁ କରିଥିଲେ, ଯାହା ୨୦୧୯ରେ ପୁଲୱାମା ଆକ୍ରମଣ ପରେ ଉପତ୍ୟକାର ସବୁଠାରୁ ଭୟଙ୍କର ଆକ୍ରମଣ ଥିଲା। ବୁଧବାର ନୂଆଦିଲ୍ଲୀରେ ସୁରକ୍ଷା ସମ୍ପର୍କିତ କ୍ୟାବିନେଟ କମିଟି ଅନ୍ୟାନ୍ୟ ବିଷୟ ସହିତ, ଅଟାରୀରେ ଥିବା ଚେକ୍ ପୋଷ୍ଟକୁ ତୁରନ୍ତ ବନ୍ଦ କରିବାକୁ ନିଷ୍ପତ୍ତି ନେଇଛି। ଅଟାରୀ-ୱାଘା ସୀମା ଭାରତର ଅମୃତସର ଏବଂ ପାକିସ୍ତାନର ଲାହୋର ନିକଟରେ ଅବସ୍ଥିତ।
