ନୂଆଦିଲ୍ଲୀ,୨୯/୦୪: ଜମ୍ମୁ କଶ୍ମୀର ପହଲଗାମ ଆତଙ୍କୀ ଆକ୍ରମଣ ପରେ ପାକିସ୍ତାନ ପ୍ରତିରକ୍ଷା ମନ୍ତ୍ରୀ ଭାରତ ବିରୋଧରେ ବିଷ ଓଗାଳୁଥିଲେ । ଏବେ ତାଙ୍କ ଉପରେ ଭାରତ ଆକ୍ସନ ନେଇଛି  । ପାକିସ୍ତାନ ପ୍ରତିରକ୍ଷା ମନ୍ତ୍ରୀ ଖ୍ୱାଜା ଆସିଫ୍‌ଙ୍କ 'ଏକ୍ସ' ଭାରତରେ ବ୍ୟାନ୍ ହୋଇଛି । ଉତ୍ତେଜନାମୂଳକ ଟିପ୍ପଣୀ ପାଇଁ 'ଏକ୍ସ' ଆକାଉଣ୍ଟ ବନ୍ଦ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି ।

ପହଲଗାମ ଆତଙ୍କୀ ଆକ୍ରମଣ ପରେ ଭାରତ ପାକିସ୍ତାନ ଉପରେ ଗୋଟିଏ ପରେ ଗୋଟିଏ ଆକ୍ସନ ନେଉଛି । ୱାର୍ଟର ଷ୍ଟ୍ରାଇକ ପରେ ଡିଜିଟାଲ ଷ୍ଟ୍ରାଇକ୍ କରିଛି ।ଉତ୍ତେଜନାମୂଳକ ଟିପ୍ପଣୀ ପାଇଁ ପାକ୍ ଅଧିକାରୀଙ୍କ ଆକାଉଣ୍ଟ ବ୍ୟାନ୍ କରୁଛନ୍ତି ଭାରତ ସରକାର । ଏବେ ପାକିସ୍ତାନ ପ୍ରତିରକ୍ଷା ମନ୍ତ୍ରୀ ଖ୍ୱାଜା ଆସିଫ୍‌ଙ୍କ 'ଏକ୍ସ' ଭାରତରେ ବ୍ୟାନ୍ ହୋଇଛି । ପୂର୍ବରୁ ୱାର୍ଟର ଷ୍ଟ୍ରାଇକରେ ସିନ୍ଧୁ ଜଳ ଚୁକ୍ତି ରଦ୍ଦ କରିଥିଲେ ଭାରତ ସରକାର । ଏହା ପରେ ପାକିସ୍ତାନୀ ନାଗରିକଙ୍କ ଭିସା ରଦ୍ଦ କରିବା ସହିତ ଅଟାରୀ-ୱାଘା ବର୍ଡର ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ ।

ଅଧିକ ପଢନ୍ତୁ...Pahalgam Attack: ଶାହବାଜଙ୍କୁ ବଡ଼ଭାଇ ନୱାଜ ସରିଫଙ୍କ ପରାମର୍ଶ, କୂଟନୈତିକ ରଣନୀତି ଆପଣାଅ

ଗତକାଲି (ସୋମବାର) ଭାରତରେ ୧୬ ପାକିସ୍ତାନୀ ୟୁଟ୍ୟୁବ୍ ଚ୍ୟାନେଲ୍ ବ୍ୟାନ୍ ହୋଇଥିଲା । ୬୩ ମିଲିୟନ ସବସ୍କ୍ରାଇବର୍ ଥିବା ୧୬ଟି ପାକିସ୍ତାନୀ ୟୁଟ୍ୟୁବ୍ ଚ୍ୟାନେଲ୍ ଉପରେ ପ୍ରତିବନ୍ଧକ ଲଗାଇଥିଲା ଭାରତ । ଜାମ୍ମୁ କାଶ୍ମୀରର ପହଲଗାମ୍ ଆଟାକ୍‌ ପରେ ଉତ୍ତେଜନାମୂଳକ ଏବଂ ସମ୍ବେଦନଶୀଳ ସାମ୍ପ୍ରଦାୟିକ ବିଷୟବସ୍ତୁ ନେଇ ପ୍ରଚାର ପ୍ରସାର ରୋକିବାକୁ ଭାରତ ଅନେକ ପାକିସ୍ତାନୀ ୟୁଟ୍ୟୁବ୍ ଚ୍ୟାନେଲ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ ।

କହି ରଖୁଛି କି, ଗତ ୨୨ ତାରିଖରେ ରକ୍ତମୁଖା ହୋଇ ନରସଂହାର କରିଥିଲେ ଆତଙ୍କବାଦୀ । ଜମ୍ମୁକଶ୍ମୀର ପହଲଗାମ ବୈସରନ ଘାଟିରେ ସେନା ବେଶରେ ଆସି ଧର୍ମ ପଚାରି ପର୍ଯ୍ୟଟକଙ୍କୁ ଗୁଳି କରିଥିଲେ ଆତଙ୍କୀ । ଯେଉଁଥିରେ ୨୭ ନୀରିହ ଲୋକଙ୍କର ମୃତ୍ୟୁ ହୋଇଥିଲା । ଏହାପରେ ଭାରତ ଓ ପାକିସ୍ତାନ ମଧ୍ୟରେ ସମ୍ପର୍କ ଆହୁରି ବିଗିଡିବାରେ ଲାଗିଛି । କଡ଼ା ଜବାବ୍ ଦେବାକୁ ପ୍ରସ୍ତୁତ ରହିଛି ଭାରତ । ଘନ ଘନ ବୈଠକ ସହ ଆଲର୍ଟରେ ରହିଛନ୍ତି ଭାରତ ସରକାର ।