ନୂଆଦିଲ୍ଲୀ : ପାକିସ୍ତାନର ପୂର୍ବ ପଞ୍ଜାବ ପ୍ରାନ୍ତର ସାହିୱାଲ ଜିଲ୍ଲାରେ ଡୋନାଲ୍ଡ ଟ୍ରମ୍ପଙ୍କ ଭଳି ଅବିକଳ ଜଣେ ବ୍ୟକ୍ତିଙ୍କୁ ଦେଖି ଲୋକେ ଆଶ୍ଚର୍ଯ୍ୟ। ପୂରା ଟ୍ରମ୍ପଙ୍କ ଭଳି ଦେଖାଯାଉ ଥିବା ଏହି ବ୍ୟକ୍ତିଙ୍କୁ ଯିଏବି ପ୍ରଥମେ ଦେଖିବ ଧୋକା ଖାଇଯିବ। ଏହି ବ୍ୟକ୍ତି ପଞ୍ଜାବୀ ଗୀତ ଗାଇ ସଡ଼କରେ ଖିରି ବିକ୍ରି କରୁଛନ୍ତି। ଲୋକଙ୍କ କହିବାନୁସାରେ,ଆମକୁ ଏମିତି ଲାଗୁଛି କି ,ଟ୍ରମ୍ପ ନିଜେ ଆମ ସହରରେ ଖିରି ବିକ୍ରି କରିବାକୁ ଆସିଛନ୍ତି। ଯେବେ ସେ ଖିରି ଖୁଆଇବା ପାଇଁ ଗୀତ ଗାଉଛନ୍ତି ତ ଆମେ ତାଙ୍କ ପାଖକୁ ଚାଲି ଯାଉଛୁ ।
ଏହି ବ୍ୟକ୍ତିଙ୍କ ନାଁ ସଲିମ୍ ବଗା। ସଲିମ୍ କେବଳ ନିଜର ନିଆରା ଚେହେରା ନୁହେଁ ,ଅଜବ ଗାୟକୀରେ ମଧ୍ୟ ଲୋକଙ୍କ ଧ୍ୟାନ ଆକର୍ଷଣ କରିଛନ୍ତି। ସଂପୃକ୍ତ ଅଞ୍ଚଳର ଜଣେ ନିବାସୀ ମହମ୍ମଦ ୟାସିନ କହିଛନ୍ତି , ଆମକୁ ଏମିତି ଲାଗୁଛି କି ଯେମିତି ଟ୍ରମ୍ପ ଖିରି ବିକ୍ରି କରିବାକୁ ଆସିଛନ୍ତି। ୟାସିନ କହିଛନ୍ତି, ଯେବେ ସେ ଖିରି ବିକ୍ରି କରିବାକୁ ଗାଆନ୍ତି , ତ ଆମେ ତାଙ୍କ ପାଖକୁ ଚାଲି ଆସୁ।
ବଗା ରଙ୍ଗିନ କାଠର ଗାଡ଼ିରେ ଖିରି ପରସନ୍ତି , ସେ ନିଜକୁ ସର୍ଦ୍ଦିରୁ ବଞ୍ଚାଇବା ପାଇଁ ବେଜ ରଙ୍ଗର ସଲୱାର କମିଜ ଓ କଳା ରଙ୍ଗର ଜ୍ୟାକେଟ୍ ପିନ୍ଧନ୍ତି । ଲୋକଙ୍କ ଧ୍ୟାନ ଆକର୍ଷଣ ପାଇଁ ସେ ପଞ୍ଜାବୀ ଗୀତ ଗାଆନ୍ତି।
ଉଲ୍ଲେଖନୀୟ ଯେ , ନିକଟରେ ଡୋନାଲ୍ଡ ଟ୍ରମ୍ପ ଆମେରିକୀୟ ରାଷ୍ଟ୍ରପତି ନିର୍ବାଚନ ଜିତି ଇତିହାସ ରଚିଥିଲେ। ଟ୍ରମ୍ପ ସେବେଠାରୁ ସୋସିଆଲ ମିଡ଼ିଆରେ ଟ୍ରେଣ୍ଡ ହେଉଛନ୍ତି। ଏହି ମଧ୍ୟରେ ଟ୍ରମ୍ପଙ୍କ ଭଳି ନଜର ଆସୁଥିବା ସଲିମ ବଗାଙ୍କୁ ପାକିସ୍ତାନରେ ଲୋକେ ପାକିସ୍ତାନୀ ଡୋନାଲ୍ଡ ଟ୍ରମ୍ପ କହୁଛନ୍ତି।। ଲୋକେ ତାଙ୍କର ଠେଲା ଗାଡ଼ି ପାଖକୁ ଖିରି ଖାଇବାକୁ ଆସନ୍ତି। ସେଲ୍ଫି ଉଠାଇବା ସହ ଖୁବ୍ ପ୍ରଶଂସା କରନ୍ତି।
