ନୂଆଦିଲ୍ଲୀ,୦୨/୦୫: ପାକିସ୍ତାନରେ ଭାରତୀୟ ସଂଙ୍ଗୀତ ବ୍ୟାନ୍ ହୋଇଛି । ପାକିସ୍ତାନ ବ୍ରଡ଼କାଷ୍ଟର୍ସ ଆସୋସିଏସନ ଏହି କଟକଣା ଲଗାଇଛି । ପାକିସ୍ତାନ ଏଫଏମ୍ ରେଡିଓରେ ବାଜିବନି ଭାରତୀୟ ଗୀତ । ପାକିସ୍ତାନ ବ୍ରଡକାଷ୍ଟର୍ସ ଆସୋସିଏସନ (ପିବିଏ) ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ଗତ ସପ୍ତାହରେ ପହଲଗାମ ଆତଙ୍କୀ ଆକ୍ରମଣରେ ୨୭ ନିରୀହ ଜୀବନ ଯାଇଥିଲା । ଏହା ପରେ ଭାରତ -ପାକିସ୍ତାନ ସମ୍ପର୍କ ବିଗିଡିବାରେ ଲାଗିଛି । ପାକ୍ ଉପରେ ଭାରତ ୱାଟରଠୁ ନେଇ ଡିଜିଟାଲ ଷ୍ଟ୍ରାଇକ୍ କରିଥିଲା । ଏହାପରେ ଭାରତୀୟ ସଂଙ୍ଗୀତ ଉପରେ କଟକଣା ଲଗାଇଛି ।
ପହଲଗାମ ଆତଙ୍କୀ ଆକ୍ରମଣ ପରେ ପାକିସ୍ତାନ ଉପରେ କାର୍ଯ୍ୟାନୁଷ୍ଠାନ ନେଇଛି ଭାରତ । ଏହା ପରେ ବିଳବିଳଉଛି ପାକିସ୍ତାନ । ଭାରତର ୱାଟର ଓ ଡିଜିଟାଲ ଷ୍ଟ୍ରାଇକ୍ ପରେ ପାକିସ୍ତାନ ବ୍ରଡକାଷ୍ଟର୍ସ ଆସୋସିଏସନ ଏବେ ପାକ୍ ଏଫଏମ ରେଡିଓ ଷ୍ଟେସନରେ ଭାରତୀୟ ସଂଙ୍ଗୀତ ପ୍ରସାରଣ ଉପରେ କଟକଣା ଲଗାଯାଇଛନ୍ତି ।
ପିବିଏ ନିଷ୍ପତ୍ତି ନେଇଛି କି, ଏବେ ପାକିସ୍ତାନର ସବୁ ଏଫଏମ ରେଡିଓ ଷ୍ଟେସନରେ ତତ୍କାଳ ପ୍ରଭାବରେ ଭାରତୀୟ ସଂଙ୍ଗୀତ ଉପରେ କଟକଣା ଲାଗୁଛି । ପାକିସ୍ତାନ ସୂଚନା ମନ୍ତ୍ରୀ ଏହି ପଦକ୍ଷେପକୁ ପ୍ରଶଂସା କରିବା ସହ ଏକଜୁଟତାର ମଜବୁତ ସନ୍ଦେଶ ବୋଲି କହିଛନ୍ତି । ପିବିଏର ଏହା ଦେଶଭକ୍ତିପୂର୍ଣ୍ଣ ନିଷ୍ପତ୍ତି ଏହା ଦେଶର ଭାବନାକୁ ଦର୍ଶାଉଛି । ଆମେ ଅସୁବିଧା ସମୟରେ ରାଷ୍ଟ୍ରୀୟ ଏକତା ପାଇଁ ଏକାଠୀ ଅଛୁ ବୋଲି କହିଛନ୍ତି ସୂଚନା ମନ୍ତ୍ରୀ ଅତଉଲ୍ଲା ତରାର ।
ଅଧିକ ପଢନ୍ତୁ...ଭାରତ ଭୟରେ ପାକିସ୍ତାନ; ପାକ୍ ରାଷ୍ଟ୍ରପତିଙ୍କୁ ଭେଟିଲେ ପ୍ରଧାନମନ୍ତ୍ରୀ ଶହବାଜ
କହି ରଖୁଛି କି, ଗତ ୨୨ରେ ଜମ୍ମୁକଶ୍ମୀର ପହଲଗାମ ବୈସରନ ଘାଟିରେ ଆତଙ୍କୀ ଆକ୍ରମଣ ହୋଇଥିଲା । ଏଥିରେ ୨୭ ଜଣଙ୍କର ମୃତ୍ୟୁ ହୋଇଥିଲା । ଏହି ଆକ୍ରମଣରେ ପାକିସ୍ତାନର ସମ୍ପୃକ୍ତି ଥିବା ନେଇ ଭାରତ ବଡ ବଡ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ପାକିସ୍ତାନ ସହ ସିନ୍ଧୁ ଜଳ ଚୁକ୍ତି ସ୍ଥଗିତ କରିଛି । ଅଟାରୀ ସୀମା ସହ ପାକ୍ ପାଇଁ ବାୟୁସୀମା ବନ୍ଦ କରିଛନ୍ତି । ପାକିସ୍ତାନ ନାଗରିକଙ୍କ ଭିସା ରଦ୍ଦ କରାଯାଇଛି । ଆଗକୁ ଡାକ ସେବା ଓ ୱେବସାଇଟ ବନ୍ଦ କରିବାକୁ ଯୋଜନା କରୁଛନ୍ତି ଭାରତ ସରକାର ।
