ନୂଆଦିଲ୍ଲୀ: ଜୁନରେ ଆମେରିକା ଇସ୍ରାଏଲକୁ ସମର୍ଥନ କରି ଇରାନ ଯୁଦ୍ଧରେ ସାମିଲ ହୋଇଥିଲା । ଇରାନ ଉପରେ ପ୍ରବଳ ଆକ୍ରମଣ କରିଥିଲା ଇରାନ। ଆମେରିକା ବଙ୍କର ବଷ୍ଟର ବୋମା ପକାଇ ଇରାନର ତିନୋଟି ପରମାଣୁ ସ୍ଥାନକୁ ଟାର୍ଗେଟ କରିଥିଲା । ଏହି ଆକ୍ରମଣ ପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦାବି କରିଥିଲେ ଯେ, ଇରାନର ତିନୋଟି ପରମାଣୁ ସ୍ଥାନକୁ ପ୍ରବଳ କ୍ଷତି ପହଞ୍ଚିଛି । କିନ୍ତୁ ଏବେ ପ୍ରକାଶ ପାଇଥିବା ରିପୋର୍ଟ ଆମେରିକାର ପୋଲ୍ ଖୋଲି ଦେଇଛି । ରିପୋର୍ଟ ଅନୁସାରେ, ଆମେରିକୀୟ ଆକ୍ରମଣରେ ଇରାନର ତିନୋଟି ପରମାଣୁ ସ୍ଥାନ ମଧ୍ୟରୁ କେବଳ ଗୋଟିଏ କ୍ଷତିଗ୍ରସ୍ତ ହୋଇଥିଲା ।
ଏନବିସି ନ୍ୟୁଜ ଆମେରିକା ସରକାର ଏକ ଆକଳନକୁ ନେଇ ରିପୋର୍ଟ କରିଛି ଯେ, ଗତ ମାସରେ ଇରାନର ପରମାଣୁ ସ୍ଥାନ ଉପରେ ହୋଇଥିବା ଆକ୍ରମଣରେ ତିନୋଟି ସ୍ଥଳ ମଧ୍ୟରୁ କେବଳ ଗୋଟିଏ ନଷ୍ଟ ହୋଇଥିଲା । ଏହି ଆକ୍ରମଣ ଯୋଗୁଁ ସେଠାରେ ଇରାନ୍ର ପରମାଣୁ କାର୍ଯ୍ୟକ୍ରମ ବହୁ ପଛକୁ ଚାଲିଯାଇଛି । ଆମେରିକାର କେନ୍ଦ୍ରୀୟ କମାଣ୍ଡ ଇରାନ ଉପରେ ଆକ୍ରମଣ କରିବା ପାଇଁ ଏକ ଅଧିକ ବ୍ୟାପକ ଯୋଜନା ପ୍ରସ୍ତୁତ କରିଥିଲା । କିନ୍ତୁ ଡୋନାଲ୍ଡ ଟ୍ରମ୍ପଙ୍କୁ ଏହି ପ୍ରସ୍ତାବରେ ରାଜି ହୋଇନଥିଲେ ।
ରିପୋର୍ଟ ଅନୁଯାୟୀ, ଇରାନ ଉପରେ ଆମେରିକାର ଆକ୍ରମଣରେ ତିନୋଟି ପରମାଣୁ ଘାଟି ମଧ୍ୟରୁ ଗୋଟିଏ ପ୍ରାୟ ସମ୍ପୂର୍ଣ୍ଣ ଧ୍ୱଂସ ପାଇଥିଲା । ଅନ୍ୟ ଦୁଇଟି ପରମାଣୁ ଘାଟିକୁ ଇରାନ ମରାମତି କରିପାରିବ ଏବଂ ଆଗାମୀ କିଛି ମାସ ମଧ୍ୟରେ ଏଠାରେ ପରମାଣୁ କାର୍ଯ୍ୟକ୍ରମ ଆରମ୍ଭ କରିପାରିବ । ରିପୋର୍ଟରୁ ସ୍ପଷ୍ଟ ଯେ, ଟ୍ରମ୍ପଙ୍କ ଦାବି ଅନୁଯାୟୀ ଆମେରିକାର ଆକ୍ରମଣ ସେତେ ସଫଳ ହୋଇନଥିଲା । ଆମେରିକାର କେନ୍ଦ୍ରୀୟ କମାଣ୍ଡ ଇରାନ ଉପରେ ଆକ୍ରମଣ କରିବା ପାଇଁ ଏକ ଲମ୍ବା ଯୋଜନା ପ୍ରସ୍ତୁତ କରିଥିଲା। ଏଥିରେ, ଇରାନରେ ଗୋଟିଏ ରାତି ପରିବର୍ତ୍ତେ କିଛି ସପ୍ତାହ ପାଇଁ ଆକ୍ରମଣ କରାଯାଇଥାନ୍ତା । କିନ୍ତୁ ଡୋନାଲ୍ଡ ଟ୍ରମ୍ପଙ୍କୁ ଏହି ଯୋଜନା ପସନ୍ଦ ବସିନଥିଲା । ସେ ଏହାକୁ ପ୍ରତ୍ୟାଖ୍ୟାନ କରିଥିଲେ । ଏହା ତାଙ୍କ ବୈଦେଶିକ ନୀତିରେ ଫିଟ୍ ହେଉନଥିଲା।
