କଟକ, ୮।୬ : ବଡ଼ ବାପା ସହିତ ମହାନଦୀକୁ ଗାଧୋଇବାକୁ ଯାଇଥିବା ବେଳେ ଭାସିଗଲେ ଚାରି ନାବାଳିକା ଝିଆରୀ ଓ ପୁତୁରା। ସେମାନଙ୍କ ମଧ୍ୟରୁ ୩ ଜଣଙ୍କୁ ଉଦ୍ଧାର କରାଯାଇଥିବା ବେଳେ ଜଣେ ନିଖୋଜ ରହିଛି।ଘଟଣା ଘଟିଛି କଟକ ଜିଲ୍ଲା ଡମପଡା ବ୍ଲକ୍ କଇଁମୁଣ୍ଡୀ ଗ୍ରାମରେ। ନିଖୋଜ ବାଳିକା ଜଣକ ହେଲେ ଏହି ଗ୍ରାମର ଜିଜ୍ଞାସା ବେହେରା। ଦମକଳ ବାହିନୀର ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ଉଦ୍ଧାର ନାବାଳିକା ଓ ନାବାଳକଙ୍କୁ ବାଙ୍କୀ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି।
ଘଟଣାରୁ ପ୍ରକାଶ ଯେ, ୪ଜଣ ପିଲାଙ୍କୁ ତାଙ୍କ ବଡବାପା ନେଇ ବେଳା ନଦୀକୁ ଗାଧୋଇବାକୁ ଯାଇଥିଲେ। ସେଠାରେ ଗଭୀର ଗଣ୍ଡ ଥିବାର ଜାଣି ନପାରି ନଦୀକୁ ଓହ୍ଲାଇବା ବେଳେ ହଠାତ୍ ୪ଜଣ ଯାକ ବୁଡ଼ି ଯାଇଥିଲେ। ସ୍ଥାନୀୟ ଲୋକମାନେ ଏହା ଦେଖି ତୁରନ୍ତ ନଦୀକୁ ଡେ଼ଇଁ ଉଦ୍ଧାର କରିବାକୁ ଚେଷ୍ଟା କରିଥିଲେ। ୩ ଜଣଙ୍କୁ ଉଦ୍ଧାର କରିଥିଲେ। ଜଣଙ୍କର ପତ୍ତା ମିଳି ନ ଥିଲା। ଖବର ପାଇ ଦମକଳ ବାହୀନି ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି।
