ଭୁବନେଶ୍ବର,୦୪/୧୨: ବିଧାନସଭାରେ ଉଠିଲା ଷଣ୍ଢ ପ୍ରସଙ୍ଗ । ରାଜ୍ୟରେ କେତେ ଷଣ୍ଢ ଅଛନ୍ତି ଆଉ କେଉଁ ଜିଲ୍ଲାରେ କେତେ ଷଣ୍ଢ । ବିଧାନସଭାରେ ଏହାର ହିସାବ ଦେଇଛନ୍ତି ମନ୍ତ୍ରୀ । ବିଧାନସଭା ଶୀତ ଅଧିବେସନରେ ଆଜି ଷଣ୍ଢ ପ୍ରସଙ୍ଗ ଉଠିଥିଲା । ବର୍ତ୍ତମାନ ରାଜ୍ୟର ୩୦ଟି ଜିଲ୍ଲାରେ ୨ ଲକ୍ଷ ୩୦ ହଜାର ୪୦୩ଟି ଷଣ୍ଢ ଅଛନ୍ତି  । ଅନୁଗୁଳରେ ସର୍ବାଧିକ  ଷଣ୍ଢ ଅଛନ୍ତି ।  ଷଣ୍ଢ ପ୍ରସଙ୍ଗରେ ଉତ୍ତର ରଖି ଏହା କହିଛନ୍ତି ପ୍ରାଣୀ ସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ।

ବିଧାନସଭାରେ ଷଣ୍ଢ ପ୍ରସଙ୍ଗ ଉଠାଇଥିଲେ କଂଗ୍ରେସ ଓ ତାରାବାହିନୀ ପତି । ଷଣ୍ଢ ପ୍ରସଙ୍ଗରେ ଆଲେଚନା କରି ପ୍ରାଣୀ ସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ କହିଥିଲେ ଉନ୍ନତ ମାନର  ଷଣ୍ଢ ପ୍ରଜନନ ପାଇଁ ହିମିକୃତ ଶୁକ୍ର ଭଣ୍ଡାର ବ୍ୟବହାର କରଯାଉଛି । ରାଜ୍ୟରେ   ଷଣ୍ଢମାନଙ୍କ ସଂଖ୍ୟା ବଢାଇବାକୁ ସରକାର ପଦକ୍ଷେପ ନେଉଛନ୍ତି ବୋଲି ବିଧାନସଭାରେ ଉତ୍ତର ରଖିଛନ୍ତି ପ୍ରାଣୀ ସମ୍ପଦ ମନ୍ତ୍ରୀ ।

ରାଜ୍ୟରେ  ୩୦ଟି ଜିଲ୍ଲାରେ ୨ ଲକ୍ଷ ୩୦ ହଜାର ୪୦୩ଟି ଷଣ୍ଢ ଅଛନ୍ତି  । ଅନୁଗୁଳ ସର୍ବାଧିକ ୪୭୩୭୭ଟି ଷଣ୍ଢ ଅଛନ୍ତି । ବଲାଙ୍ଗୀରରେ ୫୬୬୮, କଟକରେ ୩୭୪୬ଟି, ଖୋର୍ଦ୍ଧାରେ ୩୫୩୨ଟି ଷଣ୍ଢ ଅଛନ୍ତି ।