ନୂଆଦିଲ୍ଲୀ,୩୦/୦୭: ଇତିହାସ ରଚିବାକୁ ଯାଉଛି ଇସ୍ରୋ । ନାସା ସହିତ ହାତ ମିଳାଇଛି ଭାରତୀୟ ମହାକାଶ ଗବେଷଣା ସଂସ୍ଥା । ଆଉ କମ କରିବନାହିଁ ଶତ୍ରୁ ଦେଶର ଚାଲାକି । ପ୍ରାକୃତିକ ବିପର୍ଯ୍ୟୟ ପୂର୍ବରୁ ମିଳିବ ସୂଚନା । ଆଜି ଉତ୍କ୍ଷେପଣ ହେବ ସବୁଠୁ ମହଙ୍ଗା ଓ ଶକ୍ତିଶାଳୀ ଆର୍ଥ ଇମେଜିଂଙ୍ଗ 'ନିସାର୍' ଉପଗ୍ରହ । ଶ୍ରୀହରିକୋଟ୍ଟା ସ୍ପେଶ୍ ଷ୍ଟେସନ୍ରୁ ୫ଟା ୪୦ ଲଞ୍ଚ୍ ହେବ 'ନିସାର୍' । GSLV-F16 ଜରିଆରେ ମହାକାଶ ପଠାଯିବା ଉପଗ୍ରହ । ISRO ଏବଂ NASAର ମିଳିତ ବିକଶିତ ମିଶନ ହେଉଛି 'ନିସାର୍' । ପ୍ରତି ୧୨ ଦିନରେ ଏହା ପୃଥିବୀକୁ ସ୍କାନ କରିବ । ବିପର୍ଯ୍ୟୟ ମୁକାବିଲା ସହିତ କୃଷି ଏବଂ ଜୈବ ସଂରକ୍ଷଣ ଦିଗରେ ଏହା ସହାୟକ ହେବ ।
ବିଶ୍ୱର ସବୁଠୁ ମହଙ୍ଗା ‘ନିସାର’ ସାଟେଲାଇଟର ବିଶେଷତା ହେଉଛି ଏହା ସାହାଯ୍ୟରେ ପୃଥିବୀ ଉପରେ ନଜର ରଖିବା ସମ୍ଭବ ହେବ। ଏହି ସାଟେଲାଇଟ୍ ୧୨ ଦିନରେ ସମଗ୍ର ପୃଥିବୀକୁ ସ୍କାନ୍ କରିବ। ୧୨ ଦିନରେ ପୃଥିବୀର ଗୋଟିଏ ପରିକ୍ରମା ଶେଷ କରିବ । ଏହା ଦ୍ୱାରା କେଇ ସେଣ୍ଟିମିଟରର ପରିବର୍ତ୍ତନକୁ ମଧ୍ୟ କଏଦ କରାଯାଇପାରିବ । ପ୍ରାକୃତିକ ବିପର୍ଯ୍ୟୟ ପୂର୍ବରୁ ଦେବ ସୂଚନା । ବନ୍ୟା, ଗ୍ଲାସିୟର୍, ଉପକୂଳ କ୍ଷୟ ଇତ୍ୟାଦି ପ୍ରାକୃତିକ ଘଟଣା ଉପରେ ନଜର ରଖିବ ଆଉ ଆଗୁଆ ସୂଚନା ଦେବା ସହିତ ଶତ୍ରୁ ଦେଶର କାର୍ଯ୍ୟକଳାପ ଉପରେ ମଧ୍ୟ ରଖିବ କଡ଼ା ନଜର ।
ଏପରି ପରିସ୍ଥିତିରେ, ଚୀନ୍ ଏବଂ ପାକିସ୍ତାନ ଭଳି ଦେଶ ମଧ୍ୟ ବେଶି ଚାଲାକି କରିପାରିବେ ନାହିଁ। ସେମାନଙ୍କ ସବୁ ଚାଲ୍ ଧରାପଡିଯିବ। ବିଶେଷ କରି ପୃଥିବୀର ରକ୍ଷକ ହେବ ନିସାର । ସାଟେଲାଇଟ୍ ନିସାରରେ ନାସାର ଦୁଇଟି ରାଡାର ସିଷ୍ଟମ ରହିଛି । ଏହି ଦୁଇଟି ସିଷ୍ଟମ ମିଶି ବାଦଲ ଭିତରେ ମଧ୍ୟ ସ୍ପଷ୍ଟ ଚିତ୍ର ଦେଇପାରିବ ଏବଂ ଦିନରାତି ପୃଥିବୀକୁ ନିରୀକ୍ଷଣ କରିପାରିବ। ଏହି ଟେକନିକ୍ ଭୂକମ୍ପର ଗତି, ଭୂମି ଧଷିବା ପରି ଭଳି ବିପର୍ଯ୍ୟୟକୁ ସମୟ ପୂର୍ବରୁ ଚିହ୍ନଟ କରିବାରେ ସାହାଯ୍ୟ କରିବ ।
