ଚାନ୍ଦବାଲି,୨୬/୦୭: ଆଜି ବି କନ୍ୟା ରତ୍ନ ଅଲୋଡା । ଶିଶୁକନ୍ୟାକୁ ରାସ୍ତା କଡର କଣ୍ଟା ବୁଦାରେ ଫିଙ୍ଗି ଚାଲି ଯାଇଛି କେହି ଅବିବେକି ଲୋକ । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ଧାମରା କରଞ୍ଜମାଳରେ ।
ସୂଚନା ଅନୁଯାୟୀ, ଗୁରୁବାର ରାତିରେ କରଞ୍ଜମାଳ ପଞ୍ଚାୟତରେ ଏକ ନବଜାତ ଶିଶୁକନ୍ୟାକୁ ଉଦ୍ଧାର କରାଯାଇଛି । ଶିଶୁକନ୍ୟା ଟିକୁ ଏକ ପଲିଥିନରେ ବାନ୍ଧି ରାସ୍ତା କଡର କଣ୍ଟା ବୁଦାରେ କେହି ଫିଙ୍ଗି ଚାଲି ଯାଇଥିଲା । କାନ୍ଦିବା ଶବ୍ଦ ଶୁଣି କରଞ୍ଜ ମାଳ ଅଞ୍ଚଳର ସୁମିତ୍ରା ମାଝୀ ଶିଶୁ ଟିକୁ ଉଦ୍ଧାର କରିଥିଲେ । ପରେ ଗ୍ରାମବାସୀଙ୍କ ସହାୟତାରେ ଉକ୍ତ ଶିଶୁକୁ ଧାମରା ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ ମହିଳା । ଶିଶୁର ପ୍ରାଥମିକ ଚିକିତ୍ସା ଆରମ୍ଭ କରିଥିଲେ ଡାକ୍ତର ଜନ୍ମେଜୟ ବେହେରା । ଶିଶୁକନ୍ୟାଟି ସୁସ୍ଥ ଥିବାବେଳେ ତାର ଓଜନ ପ୍ରାୟ ୧ କିଲୋ ୯୦୦ ଗ୍ରାମ ରହିଥିଲା । ତେବେ ନବଜାକ ଶିଶୁଟିକୁ ICU ର ଆବଶ୍ୟକତା ରହିଥିବା ହେତୁ ୧୦୮ ଆମ୍ବୁଲାନ୍ସ ଯୋଗେ ଭଦ୍ରକ ଜ଼ିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରା ଯାଇଥିବା ଡ଼ାକ୍ତର ସୂଚନା ଦେଇଛନ୍ତି ।