ଭୁବନେଶ୍ୱର ୦୪/୦୨: ପୁଣି ଲାଲବାହିନୀଙ୍କ ବର୍ବରକାଣ୍ଡ। ପୋଲିସ ଇନଫର୍ମର ସନ୍ଦେହରେ ଦୁଇ ଗ୍ରାମବାସୀଙ୍କ ଗଳାକାଟି ନିର୍ମମ ହତ୍ୟା କଲେ ମାଓବାଦୀ ।ମୃତକ ଦୁଇ ଜଣ ମାଡଭି ମୁନ୍ନା ଓ କାରାମ ରାଜୁ ବୋଲି ଜଣାପଡିଛି। ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି।
ସୂଚନା ଅନୁଯାଇ,ମାଲକାନଗିରି ଛତିଶଗଡ ସିମାନ୍ତ ବିଜାପୁର ଜିଲ୍ଲାରେ ପୁଣି ମାଓ ହିଂସା ଦେଖିବାକୁ ମିଳିଛି। ପୋଲିସ ଇନଫର୍ମର ସନ୍ଦେହରେ ଦୁଇ ଜଣ ସାଧାରଣ ଆଦିବାସୀଙ୍କୁ ଘରୁ ଡାକି ନେଇ ଗଳାକାଟି ହତ୍ୟା କରିଛନ୍ତି ଲାଲ୍ ବାହିନୀ । ତାରେମ ଥାନା ଅନ୍ତର୍ଗତ ତାଲାବପାଡା ଓ ନୟାପାଡା ଗ୍ରାମର ମାଡଭି ମୁନ୍ନା ଓ କାରାମ ରାଜୁ ବୋଲି ଜଣାପଡିଛି। ହତ୍ୟାକାଣ୍ଡ ସୂଚନା ମିଳିବା ପରେ ଉଭୟ ଗାଁରେ ପୋଲିସ ପହଞ୍ଚିଥିଲା। ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ବେଳେ ତଦନ୍ତ ଆରମ୍ଭ କରିଥିବା ସୂଚନା ମିଳିଛି।
