ରଙ୍ଗେଇଲୁଣ୍ଡା, ୭/୭ : ଦାଦାବଟିକୁ କେନ୍ଦ୍ରକରି ଗଡ଼ିଲା ମୁଣ୍ଡ। ଗଞ୍ଜାମ ଜିଲ୍ଲା ଗୋଳନ୍ଥରା ଥାନା ଅନ୍ତର୍ଗତ ସିଙ୍ଗବାଡ଼ି ଗାଁରେ ବିଭତ୍ସ ହତ୍ୟା। ରବିବାର ମଧ୍ୟରାତ୍ରୀରେ ଗାଁର ମଣ୍ଟୁ ପାତ୍ର (୫୦ ବର୍ଷ)ଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି। ଘଟଣାସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।
ସୂଚନାନୁଯାୟୀ, ରବିବାର ରାତି ପ୍ରାୟ ୧୧ଟା ବେଳେ ଗୋଳନ୍ଥରା ଥାନା ଅନ୍ତର୍ଗତ ସିଙ୍ଗବାଡ଼ିର ମଣ୍ଟୁ ପାତ୍ରଙ୍କ ଘରକୁ ଦୁଇ ଜଣ ଯୁବକ ଆସି କବାଟ ବାଡ଼େଇଥିଲେ। ତାପରେ ଦାଦାବଟି ମାଗିଥିଲେ। ଦୁହିଁଙ୍କ ସହ ପୂର୍ବରୁ ମଣ୍ଟୁଙ୍କ ବିବାଦ ରହିଥିଲା। ଏଣୁ ଉଭୟ ପକ୍ଷ ମଧ୍ୟରେ ବଚସା ହୋଇଥିଲା। ଏହି ସମୟରେ ଜଣେ ଯୁବକ ସାଥିରେ ଆଣିଥିବା କାତିରେ ମଣ୍ଟୁଙ୍କ ଉପରକୁ ଚୋଟ ପରେ ଛୋଟ ପକାଇଥିଲେ। ଘଟଣାସ୍ଥଳରେ ମଣ୍ଟୁଙ୍କର ମୃତ୍ୟୁ ଘଟିଥିଲା। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ପୂର୍ବ ଶତ୍ରୁତାକୁ ନେଇ ହତ୍ୟା କରାଯାଇଥିବା ସନ୍ଦେହ କରାଯାଉଛି।
