ଶେରଗଡ,୧୭/୮: ଛୁରାମାଡ଼ରେ ବୃଦ୍ଧଙ୍କ ମୃତ୍ୟୁ । ଗଞ୍ଜାମ ଜିଲ୍ଲା ଶେରଗଡ ସ୍ଥିତ ମହାତ୍ମାଗାନ୍ଧୀ ଉଚ୍ଚ ବିଦ୍ୟାଳୟ ନିକଟରୁ ସାମ୍ନାକୁ ଆସିଛି ଏହି ଘଟଣା । ମୃତ ବ୍ୟକ୍ତି ଜଣକ ଉକ୍ତ ଖେଳ ପଡିଆକୁ ଲାଗି ଥିବା ସାହିର ୬୦ ବର୍ଷୀୟ ନିଳାଞ୍ଚଳ ମିଶ୍ର ବୋଲି ଜଣାପଡ଼ିଛି ।
ସୂଚନା ମୁତାବକ, ଶନିବାର ରାତିରେ ତାଙ୍କର ପଡୋଶୀ ରଞ୍ଜନ କୁମାର ପଣ୍ଡା କୌଣସି ଏକ କଥାକୁ ନେଇ ଯୁକ୍ତିତର୍କ କରିବା ସହ ଉତକ୍ଷିପ୍ତ ହୋଇ ନିଳାଞ୍ଚଳଙ୍କ ପେଟକୁ ଛୁରାମାଡ କରିଥିଲେ। ଗୁରୁତର ଅବସ୍ଥାରେ ନିଳାଞ୍ଚଳଙ୍କୁ ପ୍ରଥମେ ଶେରଗଡ଼ ଓ ଅଵସ୍ଥା ସଙ୍କଟାପନ୍ନ ହେବାରୁ ବ୍ରହ୍ମପୁର ବଡ଼ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା। ସେଠାରେ ଚିକିତ୍ସାଧୀନ ଅଵସ୍ଥାରେ ତାଙ୍କର ମୃତ୍ୟୁ ଘଟିଥିଲା। ତେବେ ଏନେଇ ଶେରଗଡ଼ ଥାନା ଅଧିକାରୀ ବରେନ୍ଦ୍ର ଶିଆଳ ଘଟଣାର ତଦନ୍ତ ଆରମ୍ଭ କରିଥିବା ଜଣାପଡ଼ିଛି । ସେପଟେ ଛୁରାମାଡ଼ କରିଥିବା ରଞ୍ଜନ ଘଟଣା ପରେ କୁଆଡେ ଫେରାର ହୋଇଯାଇଥିବା ବେଳେ ରଞ୍ଜନର ଘର ଆଗରେ ପୁଲିସ ମୁତୟନ କରି ତଦନ୍ତ ଜାରି ରଖିଛି।
