ନୂଆଦିଲ୍ଲୀ: ସଦଗୁରୁ ଜଗି ବାସୁଦେବଙ୍କ ‘ମିରାକଲ୍ ଅଫ୍ ମାଇଣ୍ଡ’ ଆପ୍ ଚହଳ ସୃଷ୍ଟି କରିଛି । ଇତିହାସ ସୃଷ୍ଟି କରିଛି । ୧୫ ଘଣ୍ଟା ମଧ୍ୟରେ ଏହି ଆପ୍କୁ ୧୦ ଲକ୍ଷରୁ ଅଧିକ ୟୁଜର୍ସ ଡାଉନଲୋଡ୍ କରିଛନ୍ତି । ସଦଗୁରୁଙ୍କ ମାଗଣା ମେଡିଟେସନ୍ (ଧ୍ୟାନ) ଆପ୍ ChatGPTକୁ ପଛରେ ପକାଇ ଦେଇଛି । ଫେବ୍ରୁଆରୀ ୨୬ରେ ମହାଶିବରାତ୍ରି ଅବସରରେ କୋଏମ୍ୱାଟୁରରେ ସଦଗୁରୁଙ୍କ ଇଶା ଯୋଗ ସେଣ୍ଟରରେ ୧୨ ଘଣ୍ଟାର ଭବ୍ୟ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଏହି ଅବସରରେ ସଦଗୁରୁ ଏହି ଆପକୁ ଲଞ୍ଚ୍ କରିଥିଲେ ।
ସଦଗୁରୁଙ୍କ ମାଗଣା ଧ୍ୟାନ ଅପ୍ ମିରାକଲ୍ ଅଫ୍ ମାଇଣ୍ଡ ଲଞ୍ଚ ହେବାର କେବଳ ୧୫ ଘଣ୍ଟା ଭିତରେ ହିଁ ୧ ମିଲିୟନ ଡଲାନଲୋଡ୍ ହୋଇଥିଲା । ଏହି ବ୍ଲକ୍ବଷ୍ଟର ଆପ୍ ପୂରା ସୋସିଆଲ୍ ମିଡିଆରେ ଚହଳ ସୃଷ୍ଟି କରିଛି । ଚାଟ୍ଜିପିଟି ଲଞ୍ଚ୍ ପରେ ପ୍ରଥମ ୧୫ ଘଣ୍ଟାରେ ଆପକୁ ଏତେ ଅଧିକ ଡାଉନ୍ଲୋଡ୍ କରାଯାଇନଥିଲା ।
୨୪ ଘଣ୍ଟାରେ ‘ମିରାକଲ୍ ଅଫ୍ ମାଇଣ୍ଡ’ ଭାରତ, ଆମେରିକା, କାନାଡା, ବ୍ରିଟେନ, ଅଷ୍ଟ୍ରେଲିଆ, ସିଙ୍ଗାପୁରୁ, ମାଲେସିଆ, ହଂକଂ, ଜର୍ମାନୀ, କେନିଆ ଓ ୟୁଏଇ ସମେତ ୨୦ ଦେଶରେ ଟ୍ରେଣ୍ଡ କରୁଛି । ଏହା ଦର୍ଶାଉଛି ଯେ, ଧ୍ୟାନ ମାନସିକ ଶାନ୍ତି ପାଇଁ ଏକ ପ୍ରମୁଖ ସମାଧାନ । ଇଂରାଜୀ, ହିନ୍ଦୀ, ତାମିଲ, ରୁଷ ଓ ସ୍ପାନିଶ୍ ଭାଷାରେ ଏହି ଆପ୍ ଉପଲବ୍ଧ । ଆପ୍ର ୭ ମିନିଟ୍ର ମେଡିଟେସନ୍ ବେଶ ଭାଇରାଲ୍ ହେବାରେ ଲାଗିଛି । ମିରାକଲ୍ ଅଫ୍ ମାଇଣ୍ଡ ଆପ୍କୁ ଏପରି ଏକ ସମୟରେ ଲଞ୍ଚ୍ କରାଯାଇଛି, ଯେତେବେଳେ ମାନସିକ ସ୍ୱାସ୍ଥ୍ୟକୁ ନେଇ ଚିନ୍ତା ବଢିଛି । ଭାରତରେ ପ୍ରାୟ ୬୦ରୁ ୭୦ ମିଲିୟନ୍ ଲୋକ ସାମାନ୍ୟରୁ ଗୁରୁତର ମାନସିକ ରୋଗରେ ପୀଡ଼ିତ ଅଛନ୍ତି । ଏଭଳି ସମୟରେ ସଦଗୁରୁଙ୍କ ଏହି ଆପ୍ ସମାଜରେ ବିପ୍ଳବ ଆଣିବ ବୋଲି ଚର୍ଚ୍ଚା ହେଉଛି ।
