ମୁମ୍ବାଇ,୦୨/୦୩: ବଲିଉଡରେ କିଛି ଏମିତି ସୁପରଷ୍ଟାର ଅଛନ୍ତି ଯାହାଙ୍କ ଭାଇ ଆଜି ବି ଫିଲ୍ମ ଇଣ୍ଡଷ୍ଟ୍ରୀରେ ଜାଗା ବନାଇବାକୁ ପ୍ରୟାସ କରୁଛନ୍ତି । କିଛି ଷ୍ଟାରଙ୍କ ଭାଇ ମାତ୍ର ଗୋଟିଏ ଦୁଇଟି ଫିଲ୍ମ କରି ବଲିଉଡକୁ ବାଏ ବାଏ କହିଛନ୍ତି ତ ଆଉ କିଛି ଏବେ ବି ପରିଚୟ ସୃଷ୍ଟି କରିବାରେ ଲାଗି ପଡିଛନ୍ତି । କିଛି ସୁପରଷ୍ଟାର ଭାଇଙ୍କ ଭାଗ୍ୟ ବକ୍ସ ଅଫିସରେ ଚମକି ପାରିନାହିଁ । ଜଣେ ବଲିଉଡରେ ହିଟ୍ ହୋଇଥିୂବା ବେଳେ ଆଉ ଜଣେ ଫ୍ଲପ ହୋଇଛନ୍ତି । ଅମିର ଖାନଙ୍କଠୁ ନେଇ ଅନୁପମ ଖେରଙ୍କ ଯାଏ ଅନେକ ସୁପରଷ୍ଟାରଙ୍କ ଭାଇ ଫ୍ଲପ ହୋଇଛନ୍ତି । ଆସନ୍ତୁ ଜାଣିବା କିଏ ସେହି ବଲିଉଡ୍ ବ୍ରଦର୍ସ ।
ଅନୁମପ ଖେର-ରାଜୁ ଖେର: ବଲିଉଡର ଜଣେ ଭର୍ସାଟାଇଲ ଆକ୍ଟର ଅନୁପମ ଖେର । ତାଙ୍କ ଅଭିନୟ ଯାଦୁ ଖୁବ ଚମତ୍କାର । ତାଙ୍କ ଆକ୍ଟିଂ ସ୍ବତନ୍ତ୍ର । ବଲିଉଡ ଇଣ୍ଡଷ୍ଚ୍ରୀରେ ଅନୁପମ ଷ୍ଟାର ହୋଇଥିଲେ ବି ତାଙ୍କ ଭାଇ ରାଜୁ ଖେର ଫେଲ । ସେ ଅଭିନୟରେ ଏତେ ସଫଳ ହୋଇ ପାରିନାହାନ୍ତି । ସେ ଫିଲ୍ମ ଅପେକ୍ଷା ସିରିଏଲରେ କାମ କରିଛନ୍ତି । ଷ୍ଟାର ଭାଇ ଅନୁପମଙ୍କ ପରି ସେ ଏତେ ସଫଳ ହୋଇନାହାନ୍ତି ।
ଅନୀଲ କପୁର-ସଞ୍ଜୟ: ଅନୀଲ କପୁର ଯାହା ବି କରନ୍ତି ପରଫେକ୍ଟ କରନ୍ତି । ଯାହା ତାଙ୍କ ଅଭିନୀତ ଫିଲ୍ମରେ ସ୍ପଷ୍ଟ ବାରି ହୋଇପଡେ । ୬୧ ବର୍ଷୀୟ ଅନୀଲ କପୁରଙ୍କ ପାଖରେ ଆଜି ବି ଫିଲ୍ମ ଅଫର୍ ଆସୁଛି । ନିକଟରେ ସଲମାନ ଖାନଙ୍କ ସହ 'ରେସ୍-୩'ରେ ଦେଖିବାକୁ ମିଳିଥିଲା । ମାତ୍ର ତାଙ୍କ ସାନ ଭାଇ ସଞ୍ଜୟ କପୁର ଷ୍ଟାର ଭାଇଙ୍କ ପରି ଚମକି ପାରି ନାହାନ୍ତି । ସଞ୍ଜୟ ୧୯୯୫ରେ 'ପ୍ରେମ୍' ଫିଲ୍ମରେ କ୍ୟାରିୟର ଆରମ୍ଭ କରିଥିଲେ । ମାତ୍ର ଫିଲ୍ମଟି କିଛି ଖାସ୍ କରି ପାରିନଥିଲା ।
ଖାନ୍ ବ୍ରଦର୍ସ- ବଲିଉଡ ଭାଇଜାନ ସଲମାନ ଖାନଙ୍କ ଦୁଇ ଭାଇ ଅରବାଜ ଓ ସୋଏଲ ଖାନ ବଲିଉଡରେ ନାଁ କରି ପାରିନାହାନ୍ତି । ସଲମାନ ଖାନ ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଦେଇଥିବା ବେଳେ ଅରବାଜ ଓ ସୋଏଲ ହାତ ଗଣତି ଫିଲ୍ମ କରିଛନ୍ତି । ସଲମାନ ୧୯୮୮ରେ ବିବି ହୋ ତୋ ଏସି ଫିଲ୍ମରେ ଡେବ୍ୟୁ କରିଥିଲେ । ଏହା ପରେ ବକ୍ସ ଅଫିସରେ ହିଟ୍ କରିଥିଲେ ତାଙ୍କର ଗୋଟିଏ ପରେ ଗୋଟିଏ ଫିଲ୍ମ । ସଲମାନଙ୍କ ଦୁଇ ଭାଇ ହାତ ଗଣତି ଫିଲ୍ମ କରିଛନ୍ତି । ଅରବାଜ ଖାନଙ୍କ ଫିଲ୍ମ ଫ୍ଲପ ହେବାରୁ ତାଙ୍କୁ ଅଭିନୟ ଦୁନିଆରୁ ଦୂରେଇ ବାକୁ ପଡିଥିଲା ।
ଅମୀର ଖାନ-ଫୈଜଲ: ମିଷ୍ଟର ପରଫେକ୍ସନ କୁହାଯାଉଥିବା ଅମିର ଖାନ ଯେଉଁ ଫିଲ୍ମ କରନ୍ତି ତାହା ସୁପରଡୁପର ହିଟ୍ ହୁଏ । ହେଲେ ତାଙ୍କ ଭାଇ ଫୈଜଲଙ୍କ ଭାଗ୍ୟ ବକ୍ସ ଅଫିସରେ ଚମକି ନାହିଁ । ୧୯୮୮ରେ ଅମୀର ଖାନଙ୍କ ଫିଲ୍ମ 'କୟାମତ ସେ କୟାମତ ତକ' ତାଙ୍କୁ ସୁପରଷ୍ଟାର କରିଥିଲା । ତାଙ୍କ ଭାଇ ଫୈଜଲ ଖାନ୍ ଫିଲ୍ମରେ କମାଲ କରି ପାରିନଥିଲେ । 'ମେଲା' ଫିଲ୍ମରେ ଦୁଇ ଭାଇଙ୍କୁ ଏକାଠୀ ଦେଖିବାକୁ ମିଳିଥିଲା ।
ଦେଓଲ ବ୍ରଦର୍ସ: ଧର୍ମେନ୍ଦ୍ରଙ୍କ ସୁପୁତ୍ର ବବି ଦେଓଲ ଓ ସନ୍ନି ଦେଓଲ । ଯଦିଓ ଦୁଇ ଜଣ ବଲିଉଡରେ ଫିଲ୍ମ କରିଛନ୍ତି । ସନ୍ନି ଦେଓଲଙ୍କ ତୁଳନାରେ ବବି ସେତେ ସଫଳ ନୁହଁନ୍ତି । ସନ୍ନି ଦେଓଲ ୧୯୮୩ରେ ବେତାବରେ ବଲିଉଡରେ ଏଣ୍ଟ୍ରୀ କରିଥିଲେ । ଏହାପରେ ବହୁ ହିଟ୍ ଫିଲ୍ମ ଦେଇଥିଲେ । ମାତ୍ର ତାଙ୍କ ସାନ ଭାଇ ବବି ଦେଓଲଙ୍କ କ୍ୟାରିୟର ଭଲ ନଥିଲା । ସନ୍ନିଙ୍କ ତୁଳନାରେ ସେ ବହୁତ ପଛରେ ।
ସାହିଦ କପୁର-ଇଷାନ: ବଲିଉଡର ଚକଲେଟ୍ ହିରୋ ସାହିଦ କପୁର । ଏକାଧିକ ଫିଲ୍ମରେ ତାଙ୍କର ଦମଦାର ଅଭିନୟ ଦେଖିବାକୁ ମିଳିଛି । ସାହିଦଙ୍କ ତୁଳନାରେ ତାଙ୍କ ଭାଇ ଇଷାନ ବଲିଉଡରେ ସେତେ ନେମଫ୍ରେମ କମାଇ ପାରିନାହାନ୍ତି । ଫିଲ୍ମ 'ଧଡକ'ରେ ଜାନବୀ କପୁରଙ୍କ ସହ ଏକ ଫିଲ୍ମରେ ଦେଖିବାକୁ ମିଳିଥିଲା ।
ଆଦିତ୍ୟ ଚୋପ୍ରା- ଉଦୟ ଚୋପ୍ରା : ଆଦିତ୍ୟ ଚୋପ୍ରା ବଲିଉଡର ଜଣେ ପ୍ରସିଦ୍ଧ ଫିଲ୍ମମେକର । ଆଦିତ୍ୟ ବହୁ ହିଟ୍ ଫିଲ୍ମର ନିର୍ଦ୍ଦେଶନା ଦେଇଛନ୍ତି । 'ଦିଲବାଲେ ଦୁଲ୍ଲହନିଆ ଲେ ଯାଏଗେଁ', 'ମହୋବତେ', 'ରବ ନେ ବନାଦି ଯୋଡି' ପରି ହିଟ୍ ଫିଲ୍ମ ଏହି ତାଲିକାରେ ରହିଛି । ତାଙ୍କ ସାନ ଭାଇ ଉଦୟ ଚୋପ୍ରା ଆଜି ଯାଏ କୌଣସି ଫିଲ୍ମରେ ସୋଲୋ ହିରୋ ହୋଇନାହାନ୍ତି । ହାତ ଗଣତି ଫିଲ୍ମରେ ତାଙ୍କୁ ଦେଖିବାକୁ ମିଳିଛି ।
ଦେବାନନ୍ଦ-ବିଜୟ ଆନନ୍ଦ: ସୁପରଷ୍ଟାର ଦେବାନନ୍ଦ ଆଜି ଆମ ଗହଣରେ ନାହାନ୍ତି । ମାତ୍ର ତାଙ୍କର ଜବରଦସ୍ତ ଅଭିନୟ ଆଜି ବି ଦର୍ଶକଙ୍କ ଦୃଦୟରେ ରହିଛି । ଦେବାନନ୍ଦ ପ୍ରଥମ ଥର ୧୯୪୦ରେ ସୁରିୟାଙ୍କ ବିପକ୍ଷରେ ଅଭିନୟ କରିଥିଲେ । ସେ ଜଣେ ଷ୍ଟାର କଳାକାର ହୋଇଥିଲେ ବି ତାଙ୍କ ଭାଇ ବିଜୟ ଆନନ୍ଦ ଅଭିନୟରେ ପଛରେ ପଡି ଯାଇଥିଲେ । ଅଧିକାଂଶ ଫିଲ୍ମରେ ସେ ସାଇଡ ରୋଲ କରିଥିଲେ ।
