ମୁମ୍ବାଇ ୦୨/୦୩: ବଲିଉଡ ଅଭିନେତ୍ରୀ ଆଲିଆ ଭଟ୍ଟ ଏବଂ ରଣବୀର କପୁରଙ୍କ ଲାଡ୍ଲୀ ରାହା କପୁର । ରାହ ବର୍ତ୍ତମାନ ଲୋକପ୍ରିୟ ଷ୍ଟାର୍ କିଡ୍। ସମସ୍ତେ ତାଙ୍କର ଝଲକ ପାଇବାକୁ ଚାହିଁ ରହିଥାନ୍ତି। କିନ୍ତୁ ଫ୍ୟାନ୍ସଙ୍କ ପାଇଁ ଏବେ ରାହାଙ୍କୁ ଦେଖିବା କଷ୍ଟସାଧ୍ୟ ହେବ। କାରଣ ଆଲିଆ ତାଙ୍କ ଝିଅକୁ ନେଇ ଏକ ବଡ଼ ନିଷ୍ପତ୍ତି ନେଇଛନ୍ତି। ସେ ସୋସିଆଲ ମିଡିଆରୁ ରାହଙ୍କ ଚେହେରା ଦେଖାଯାଉଥିବା ଫଟୋଗୁଡିକୁ ହଟାଇ ଦେଇଛନ୍ତି।
ଆଲିଆ ଭଟ୍ଟ ତାଙ୍କ ଇନଷ୍ଟାଗ୍ରାମରୁ ରାହାଙ୍କ ଅନେକ ଫଟୋ ହଟାଇ ଦେଇଛନ୍ତି। ଏଗୁଡ଼ିକ ସେହି ଫଟୋ ଯେଉଁଥିରେ ରାହାଙ୍କ ଚେହେରା ଦୃଶ୍ୟମାନ ହେଉଥିଲା। ଏଥିମଧ୍ୟରୁ କିଛି ଜାମନଗରର ଏବଂ କିଛି ରଣବୀର-ଆଲିଆଙ୍କ ପ୍ୟାରିସ ଟ୍ରିପ୍ର। ବର୍ତ୍ତମାନ ଇନଷ୍ଟାରେ ରାହାଙ୍କ କେବଳ ସେହି ଫଟୋଗୁଡ଼ିକ ରହିଛି ଯେଉଁଥିରେ ତାଙ୍କ ଚେହେରା ଦୃଶ୍ୟମାନ ହେଉନାହିଁ । ଯାହା ଫ୍ୟାନ୍ସଙ୍କୁ ଆଶ୍ଚର୍ଯ୍ୟ କରିଛି।
ଏହା ପୂର୍ବରୁ ମଧ୍ୟ ଆଲିଆଙ୍କ ଏକ ଭିଡିଓ ଭାଇରାଲ ହୋଇଥିଲା। ଯେଉଁଥିରେ ସେ ରାହାଙ୍କ ଫଟୋ ଉଠାଇବାକୁ ପାପାରାଜିଙ୍କୁ ମନା କରୁଥିବା ଦେଖାଯାଇଥିଲା।ଏହା ବ୍ୟତୀତ ରାହାଙ୍କ ଜେଜେମା ନୀତୁ କପୁର ମଧ୍ୟ କିଛି ସମୟ ପୂର୍ବରୁ ରାହାଙ୍କ ଅଧିକ ଫଟୋ ନ ନେବାକୁ ଅନୁରୋଧ କରିଥିଲେ। ତେବେ ସୈଫ ଅଲି ଖାନଙ୍କ ଉପରେ ହୋଇଥିବା ଆକ୍ରମଣକୁ ଦୃଷ୍ଟିରେ ରଖି ଆଲିଆ ଏହି ନିଷ୍ପତ୍ତି ନେଇଥିବା ଆଲୋଚନା ହେଇଛି।
