ନୂଆଦିଲ୍ଲୀ ୦୨/୦୩: ବଲିଉଡର ଫେମସ୍ ପ୍ଲେ ବ୍ୟାକ୍ ସିଙ୍ଗର୍ ଶ୍ରେୟା ଘୋଷାଲ। ତାଙ୍କୁ ନେଇ ଏକ ବଡ ଖବର ସାମ୍ନାକୁ ଆସିଛି। ଶ୍ରେୟାଙ୍କ ଏକ୍ସ ଆକାଉଣ୍ଟକୁ ହ୍ୟାକ୍ କରାଯାଇଛି । ଶ୍ରେୟା ତାଙ୍କ ଇନଷ୍ଟା ଆକାଉଣ୍ଟରେ ପୋଷ୍ଟ କରି ଏହି ସୂଚନା ଦେଇଛନ୍ତି।
ଶନିବାର ଦିନ ଶ୍ରେୟା ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ଫ୍ୟାନ୍ସଙ୍କୁ ଜଣାଇଛନ୍ତି ଯେ ତାଙ୍କ ଏକ୍ସ ଆକାଉଣ୍ଟ ହ୍ୟାକ୍ ହୋଇଛି। ଫଟୋ ସେୟାର କରି ସେ ଲେଖିଛନ୍ତି, “ହ୍ୟାଲୋ ଫ୍ୟାନ୍ସ ଫେବୃଆରୀ ୧୩ ତାରିଖରୁ ମୋର ଟ୍ୱିଟର / ଏକ୍ସ ଆକାଉଣ୍ଟ ହ୍ୟାକ୍ ହୋଇଛି । ଏକ୍ସ ଟିମ୍ ପର୍ଯ୍ୟନ୍ତ ପହଞ୍ଚିବା ପାଇଁ ମୁଁ ମୋ ଶକ୍ତିରେ ସବୁକିଛି ଚେଷ୍ଟା କରିଛି । କିନ୍ତୁ କିଛି ଅଟୋ ଜେନେରେଟେଡ୍ ରେସପନ୍ସ ବ୍ୟତୀତ, କୌଣସି ପ୍ରତିକ୍ରିୟା ଆସିନାହିଁ, ମୁଁ ମୋର ଆକାଉଣ୍ଟ ଡିଲିଟ୍ ମଧ୍ୟ କରିପାରୁ ନାହିଁ।କାରଣ ମୁଁ ଆଉ ଲଗ୍ ଇନ୍ କରିପାରିବି ନାହିଁ । ଦୟାକରି କୌଣସି ଲିଙ୍କରେ କ୍ଲିକ୍ କରନ୍ତୁ ନାହିଁ କିମ୍ବା ସେହି ଆକାଉଣ୍ଟରୁ ଲେଖାଯାଇଥିବା କୌଣସି ମେସେଜ୍ ଉପରେ ବିଶ୍ୱାସ କରନ୍ତୁ ନାହିଁ। ସେଗୁଡିକ ସ୍ପାମ୍ ଏବଂ ଫିସିଂ ଲିଙ୍କ୍, ଯଦି ଆକାଉଣ୍ଟ ରିକଭର୍ ହୁଏ ଏବଂ ସୁରକ୍ଷିତ ଥାଏ ତେବେ ମୁଁ ବ୍ୟକ୍ତିଗତ ଭାବରେ ଏକ ଭିଡିଓ ମାଧ୍ୟମରେ ଅପଡେଟ୍ କରିବି ।“
