ଭୁବନେଶ୍ୱର,୦୩/୦୫: ବରୀ ବ୍ଲକ ଜୁନିଅର ରେଭେନ୍ୟୁ ଆସିଷ୍ଟାଣ୍ଟଙ୍କୁ ବିଧାୟକ ମାଡ଼ ମାରିବା ଘଟଣା । ଆଇନ ମନ୍ତ୍ରୀଙ୍କୁ ଭେଟି କାର୍ଯ୍ୟାନୁଷ୍ଠାନ ଦାବି କଲେ ସରକାରୀ ଅଧିକାରୀ ଅମର ରଞ୍ଜନ ନାୟକ । ଆଗକୁ ବ୍ଲକରେ ସମସ୍ତ ସରକାରୀ ଅଧିକାରୀ କଲମ ଛାଡ଼ ଆନ୍ଦୋଳନ କରିବାକୁ ବି ଚେତାବନୀ ଦେଇଛନ୍ତି ।
ସରକାରୀ କାର୍ଯ୍ୟାଳରେ ପଶି ବରୀ ବ୍ଲକ ଜୁନିଅର ରେଭେନ୍ୟୁ ଆସିଷ୍ଟାଣ୍ଟ ଅମର ରଞ୍ଜନ ନାୟକଙ୍କୁ ବିଧାୟକ ବିଶ୍ୱ ରଞ୍ଜନ ମଲ୍ଲିକ ଅସଭ୍ୟ ଭାଷାରେ ଗାଳି ଗୁଲଜ ସହ ମାଡ ମାରିଥିଲେ। ଏନେଇ ପୋଲିସର ମଧ୍ୟ ଦ୍ୱାରସ୍ଥ ହୋଇଥିଲେ ଅମର। କିନ୍ତୁ ଏ ଯାଏଁ କୌଣସି କାର୍ଯ୍ୟନୁଷ୍ଠାନ ନହେବାରୁ ଶନିବାର ଆଇନ ମନ୍ତ୍ରୀଙ୍କୁ ଭେଟି କଡା କର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛନ୍ତି । ଆଗକୁ ବ୍ଲକରେ ସମସ୍ତ ସରକାରୀ ଅଧିକାରୀ କଲମ ଛାଡ଼ ଆନ୍ଦୋଳନ କରିବାକୁ ବି ଚେତାବନୀ ଦେଇଛନ୍ତି ।
