ଭୁବନେଶ୍ୱର, ୧୩/୦୬: ଭୁବନେଶ୍ୱରର ଭିଏସଏସ ନଗର ସ୍ଥିତ M.S ସାନିଟାରୀ ଦୋକାନରୁ ଲୁଟ୍‌ । ଦୋକାନ ମାଲିକ କୌଣସି କାମରେ ବାହାରକୁ ଯାଇଥିବା ବେଳେ ୨ ଲକ୍ଷ ଟଙ୍କାର ସାମଗ୍ରୀ ଲୁଟିନେଲେ ଦୁର୍ବୃତ୍ତ । ଘଟଣାସ୍ଥଳରେ ଛାନଭିନ୍ କରୁଛି ସହିଦ ନଗର ଥାନା ପୁଲିସ । 

ସୂଚନା ମୁତାବକ, ଭିଏସଏସ ନଗର ସ୍ଥିତ M.S ସାନିଟାରୀ ଦୋକାନର ମାଲିକ କୌଣସି କାମରେ ବାହାରକୁ ଯାଇଥିଲେ । ଏହି ସମୟରେ ଦୋକାନ ବନ୍ଦ ରହିଥିଲା। ଏହାର ଫାଇଦା ଉଠାଇ ଲୁଟେରାମାନେ ଟିଣ ଛାତ କାଟି ସାନିଟାରୀ ଦୋକାନ ଭିତରେ ପଶିଥିଲେ । ଦୋକନରେ ପଶି ୨ ଲକ୍ଷ ଟଙ୍କାର ସାମଗ୍ରୀ ଲୁଟି ନେଇଥିଲେ । ଦୋକାନ ମାଲିକ ଫେରି ଲୁଟ୍‌ ହୋଇଥିବା ଜାଣିବାକୁ ପାଇ ପୁଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ସହିଦ ନଗର ଥାନା ପୁଲିସ ପହଞ୍ଚି ତଦନ୍ତ କରୁଛି ।