ଭୁବନେଶ୍ୱର,୨୮/୦୯: ନିଶାଶକ୍ତ ଅବସ୍ଥାରେ ହୋଟେଲ କର୍ମଚାରୀଙ୍କୁ ମାଡ଼ ମାରି ମାଲିକାଣୀଙ୍କୁ ଗାଳିଗୁଲଜ କରିଲେ ଦୁଇ ଦୁର୍ବୃତ୍ତ । ରାଜଧାନୀ ଭୁବନେଶ୍ୱରର ନୟାପଲ୍ଲୀ ଥାନା ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ନୟାପଲ୍ଲୀ ଥାନାର ମାତ୍ର ୨୦୦ ମିଟର ଦୂରରେ ଥିବା ସୁଲୋଚନା ହୋଟେଲରେ ହୋଇଛି ଲଙ୍କା କାଣ୍ଡ । ନିଶାରେ ଚୂର୍ ଥିବା ଦୁଇ ଯୁବକ ଭୋଇ ସାହି ଛକରେ ଥିବା ସୁଲୋଚନା ହୋଟେଲରେ ପଶି ଜୋର୍ ଜବରଦସ୍ତି ହାଣ୍ଡିରୁ ଖାଦ୍ୟ ବଢିବା ସହ ପ୍ରଥମେ ହୋଟେଲ ମାଲିକାଣୀଙ୍କୁ ଆକ୍ରମଣ କରି ଅସଭ୍ୟ ଭାଷାରେ ଗାଳିଗୁଲଜ କରିଥିଲେ । ଏହାକୁ ହୋଟେଲ କର୍ମଚାରୀ ପ୍ରତିବାଦ କରିଥିଲେ । ପ୍ରତିବାଦ କରିବାରୁ ହୋଟେଲ କର୍ମଚାରୀଙ୍କୁ ସାହି ପିଲା ଲଗାଇ ନିସ୍ତୁକ ମାଡ଼ ମାରିଥିବା ନୟାପଲ୍ଲୀ ଥାନାରେ ଅଭିଯୋଗ ହୋଇଛି । ପୋଲିସ ଅଭିଯୁକ୍ତ ମାନଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି । ଏହି ଘଟଣାର ଦୃଶ୍ୟ ସିସିଟିଭିରେ କଏଦ୍ ହୋଇଥିଲା । ଅଭିଯୋଗ ଏବଂ ସିସିଟିଭି ଫୁଟେଜ ଆଧାରରେ ସଂମ୍ପୃକ୍ତ ଦୁଇ ଅଭିଯୁକ୍ତଙ୍କୁ ଖୋଜୁଛି ନୟାପଲ୍ଲୀ ପୋଲିସ ।