ନୂଆଦିଲ୍ଲୀ,୨୧।୧: ଚନ୍ଦ୍ର ପୃଥିବୀର ଏକ ପ୍ରାକୃତିକ ଉପଗ୍ରହ। ଯାହାକି ପୃଥିବୀର ଚାରିପଟେ ବୁଲିଥାଏ। ଚନ୍ଦ୍ରର ବୟସ ମୋଟ ୪.୫୧ ବିଲିୟନ ବର୍ଷ। ଚନ୍ଦ୍ର କିଭଳି ସୃଷ୍ଟି ହେଲା ଏବେ ତାହାକୁ ନେଇ ବୈଜ୍ଞାନିକମାନେ ରିସର୍ଚ୍ଚ କରୁଛନ୍ତି। ଯେଉଁଭଳି ଭାବରେ ପୃଥିବୀରେ ବର୍ଷା ହୁଏ। ଠିକ୍ ସେଭଳି ଚନ୍ଦ୍ରରେ ବର୍ଷା ହୁଏନି। କାରଣ ବର୍ଷା ପାଇଁ ବାୟୁମଣ୍ଡଳ ଦରକାର ପଡେ, ଯାହାକି ଚନ୍ଦ୍ରରେ ନାହିଁ। କାରଣ ଚନ୍ଦ୍ରରେ ଏକ ଭିନ୍ନ ଜିନିଷର ବର୍ଷା ହୁଏ। ପୃଥିବୀରେ ବର୍ଷା ବହୁ ଜିନିଷକୁ ଜୀବନ ଦେଇଥାଏ। ସେଭଳି ଚନ୍ଦ୍ରରେ ହେଉଥିବା ବର୍ଷା ବହୁତ କିଛି ନଷ୍ଟ କରିଦିଏ।
ଚନ୍ଦ୍ର ପୃଥିବୀଠାରୁ ୩,୮୪,୦୦୦ କିଲୋମିଟର ଦୂରରେ ରହିଛି। ଏହା ପୃଥିବୀର ପ୍ରାକୃତିକ ଉପଗ୍ରହ। ସୌରମଣ୍ଡଳର ପଞ୍ଚମ ସବୁଠାରୁ ବଡ଼ ଉପଗ୍ରହ। ଚନ୍ଦ୍ରରେ ସବୁବେଳେ ମାଇକ୍ରୋମେଟିୟୋରାଇଟସ୍ ଅର୍ଥାତ ଛୋଟ ଛୋଟ ଉଲକା ପିଣ୍ଡ ପଡିଥାଏ। ଆପଣ ଚନ୍ଦ୍ରରେ ଗାତ ଥିବାର ଦେଖିଥିବେ କିମ୍ବା ଶୁଣିଥିବେ। ଚନ୍ଦ୍ର ପୃଷ୍ଠରେ ଏଭଳି ଗର୍ଭ ହେବାର କାରଣ ହେଉଛି ମାଇକ୍ରୋମେଟିୟୋରାଇଟସ୍ର ବର୍ଷା।
