ମାଲକାନଗିରି, ୨୬/୯(ଆପ୍ର ) ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ରାଜ୍ୟର ସୁକୁମା  ଜିଲ୍ଲାରେ  ମାଓବାଦୀମାନେ ଜଣେ ଯୁବକକୁ ନିର୍ମମ ଭାବେ ହତ୍ୟା କରିଛନ୍ତି। ମୃତକ ଜଣକ ହେଲେ ସୁକୁମା ଜିଲ୍ଲା ଭେଜି ଥାନା ଅନ୍ତର୍ଗତ ଭଣ୍ଡାରପଦର ଗାଁର ସୋୟମ ପାଣ୍ଡୁ। ପୁଲିସ ଇନଫର୍ମର ସନ୍ଦେହରେ ନକ୍ସଲମାନେ ଏହି ହତ୍ୟାକାଣ୍ଡ ଘଟାଇଥିବା ଜଣାପଡିଛି ।

 ମିଳିଥିବା ସୂଚନା ଅନୁଯାୟୀ ୨୫ତାରିଖର ବିଳମ୍ବିତ ରାତିରେ କିଛି ସଶସ୍ତ୍ର ନକ୍ସଲ ସୋୟମ ପାଣ୍ଡୁଙ୍କୁ ତାଙ୍କ ଘରୁ ଉଠାଇ ନେଇ ନିକଟ ସ୍ଥ ଜଙ୍ଗଲରେ ନିସ୍ତୁକ ମାଡ଼ ମାରିବା  ପରେ ଏକ ଧାରୁଆ ଅସ୍ତ୍ରରେ  ହତ୍ୟା କରିଛନ୍ତି।  ଭେଜି ଥାନା ପୁଲିସ ହତ୍ୟାକାଣ୍ଡସମ୍ପର୍କରେ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ମୃତ ଶରୀର ଜବତ କରି ଶବ ବ୍ୟବଚ୍ଛେଦ ନିମନ୍ତେ ପଠାଇ ତଦନ୍ତ ଆରମ୍ଭ କରିଛି।