ଛତ୍ରପୁର, ୨୩/୧୦ : ଗଞ୍ଜାମ ଥାନା ଋଷିକୁଲ୍ୟା ପୋଲ ନିକଟରେ ସ୍କୁଟିକୁ ଛାଡି ନଦୀକୁ ଡେଇଁ ମହିଳା ନିଖୋଜ । ଏନେଇ ଘଟଣାର ଖବର ପାଇଁ ଅଗ୍ନିଶମ ବିଭାଗ ଓ ଗଞ୍ଜାମ ପୋଲିସ ଉକ୍ତ ବ୍ୟକ୍ତିଙ୍କୁ ଖୋଜାଖୋଜି କରିବା ଆରମ୍ଭ କରିଛନ୍ତି। କିଏ ଓ କାହିଁକି ଏପରି କରିଛି ତାହା ଜଣା ପଡିନାହିଁ। ଅନ୍ୟପଟେ ପୋଲ ନିକଟରେ ସ୍କୁଟି, ଚପଲ, ଗ୍ୟାସ ପା ବୁକ ଜରିରେ ରଖିଥିବା ସହ କିଛି ପିଆଜ ପଡି ରହିଥିବା ଦେଖିବାକୁ ମିଳିଛି। ଋଷିକୁଲ୍ୟ ନଦୀ ଭିତରେ ଅଗ୍ନିଶମ ବାହିନୀ ଖୋଜାଖୋଜି ଜାରି ରଖିଛି।
ତେବେ କିଏ ଏଭଳି କରିଛି ତାହା ଜଣା ପଡିନଥିବା ବେଳେ କିଛି ଦିନ ତଳେ ଏହିପରି ଘଟଣା ଘଟିଥିଲା। ବ୍ରହ୍ମପୁରର ଜଣେ ବ୍ୟକ୍ତି ଗାଡି ରଖି ପୋଲ ଉପରୁ ନଦୀକୁ ଡେଇଁ ଆତ୍ମହତ୍ୟା କରିଥିବା ବେଳେ ପୁଣି ଆଜି ସକାଳୁ ଏହି ଘଟଣା ଘଟିଛି। ଅନ୍ୟପଟେ ପୋଲ ନିକଟରେ ଥିବା ସ୍କୁଟିର ତଥ୍ୟ ଅନୁଯାୟୀ ଗାଡିର ମାଲିକସ ନ୍ତୋଷ ବେହେରା ହୋଇଥିବା ବେଳେ କାଳୀ ମନ୍ଦିର ରୋଡ଼ ଖାରବେଳନଗର ଦ୍ୱିତୀୟ ଲାଇନ ବୋଲି ଜଣାପଡିଛି l ଗଞ୍ଜାମ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି l