ଭଦ୍ରକ,୧୪/୧୦: ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଓଲଗରେ ପାଳିତ ହୁଏ ନିଆରା ଲାଖବିନ୍ଧା ପରମ୍ପରା । ଏହା ପାଞ୍ଚଶହ ବର୍ଷର ପୁରାତନ ପରମ୍ପରା । ପରମ୍ପରା ଓ ସଂସ୍କୃତି କୁ ବଞ୍ଚାଇବା ସହ ନିଜ ନିଜ ଭିତରେ ସୁସମ୍ପର୍କ ସ୍ଥାପନ କରିବା ଏହି କାର୍ଯ୍ୟକ୍ରମର ମୂଳ ଲକ୍ଷ ।
ବିଜୟା ଦଶମୀ ଦିନ ବଡ଼ ଓଲଗ ଓ ସାନ ଓଲଗ ଗ୍ରାମର ବୀର କ୍ଷତ୍ରୀୟ ଯୋଦ୍ଧାମାନେ ମା' ଦୂର୍ଗାଙ୍କ ପାଖରେ ପୂଜା ପାଉଥିବା ଧନୁ ଓ ତୀର ଆଣି ଏକ ଶୋଭାଯାତ୍ରାରେ ବାହାରି ସ୍ଥାନୀୟ ଅମୃତମଣି ପଡିଆରେ ଏକତ୍ରିତ ହୁଅନ୍ତି । ସେଠାରେ ପହଞ୍ଚି ଏକ କଦଳି ଗଛ ରୂପି ରାବଣକୁ ଲକ୍ଷ୍ୟ ଭେଦ କରିଥାନ୍ତି। ବିଜୟୀ ଯୋଦ୍ଧା ଶୋଭାଯାତ୍ରାରେ ଯାଇ ମାଆଙ୍କ ଦର୍ଶନ କରି ଆଶିଷ ଲାଭ କରିଥାନ୍ତି। ଏହି କାର୍ଯ୍ୟକ୍ରମକୁ ଦେଖିବାକୁ ଆଖପାଖ ଅଞ୍ଚଳରୁ ଶହ ଶହ ଲୋକଙ୍କ ଭିଡ ଲାଗି ରହିଥାଏ ।
