ଭୁବନେଶ୍ବର,୦୯/୦୨: ଧାନ ମଣ୍ଡିରେ ଉଠୁନି ଚାଷୀଙ୍କ ଧାନ । ମିଲରଙ୍କ ମନ ଇଛାରେ ଚାଲିଛି ସରକାରୀ ମଣ୍ଡି । ମଣ୍ଡିରେ କଟନୀ ଛଟନୀ ଯୋଗୁଁ ହଇରାଣ ହେଉଛନ୍ତି ଚାଷୀ । ଯାହାକୁ ନେଇ ଖାଦ୍ୟ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ନିଜର ପ୍ରତିକ୍ରିୟା ରଖିଛନ୍ତି ।
ସେ କହିଛନ୍ତି ଯେ, କଟନୀ ଛଟନୀ ଗୋଟିଏ ବହୁତ ବଡ଼ ରୋଗ । ଏହା ଦୀର୍ଘ ଦିନ ଧରି ଏଭଳି ଚାଲି ଆସୁଛି । ହେଲେ ବିଜେପି ସରକାର କଟନୀ ଛଟନୀକୁ ବହୁତ ପରିମାଣରେ ନିୟନ୍ତ୍ରଣ କରିଛି । ବାରମ୍ବାର ଅପିଲ କଲେ ବି ପୁରା ନିୟନ୍ତ୍ରଣକୁ ଆସିନାହିଁ । ତଥାପି ବହୁ ପରିମାଣରେ କଟନୀ ଛଟନୀ ବନ୍ଦ ହୋଇଛି । ଅନେକ ଜିଲ୍ଳାର ବିନା କଟନୀ ଛଟନୀରେ ଧାନ ବିକ୍ରି ହେଉଛି । ତେଣୁ କଟନୀ ଛଟନୀ ନ କରିବା ପାଇଁ ପୁଣି ଅପିଲ କରୁଛି । ତଥାପି ଯେଉଁଠି ରୋଗ ରହିଛି, ସେମାନଙ୍କ ଉପରେ ନିଶ୍ଚିତ ଆକ୍ସନ ହେବ ।
