ବୌଦ୍ଧ, ୫।୫: ବୌଦ୍ଧରେ ଭି.କେ ପାଣ୍ଡିଆନଙ୍କ ଜୋରଦାର୍ ପ୍ରଚାର । ନିଜ ଅଭିଭାଷଣରେ ୪୦ ହଜାର ମାର୍ଜିନରେ ସାଂସଦ ଓ ବିଧାୟକ ପ୍ରାର୍ଥୀଙ୍କୁ ଜିତାଇବାକୁ ଅନୁରୋଧ କରିଛନ୍ତି । ଶଙ୍ଖ ଚିହ୍ନ, ଉନ୍ନତି ଓ ପ୍ରଗତିର ଚିହ୍ନ ବୋଲି କହିଛନ୍ତି ପାଣ୍ଡିଆନ । ପୁରୁଣା କଟକକୁ NAC ଓ ବୌଦ୍ଧକୁ ମୁନିସିପାଲିଟି ମାନ୍ୟତା ଦିଆଯାଇଛି । ଭୈରବୀ ମନ୍ଦିରକୁ ୪ କୋଟି, ଚନ୍ଦ୍ରଚୂଡ଼ ମନ୍ଦିରକୁ ୩.୫ କୋଟି, ଅନେକ ମଠ, ମନ୍ଦିର, ଚର୍ଚ୍ଚ, ମସଜିଦ୍ର ରୂପାନ୍ତର ପାଇଁ ପଦକ୍ଷେପ ମଧ୍ୟ ନିଆଯାଇଥିବା କହିଛନ୍ତି ।
ରାଜନୀତିକୁ ସେବା ମନୋବୃତ୍ତି ନେଇ ଅଚ୍ୟୁତ ବାବୁ ଆସିଥିବା ବେଳେ ପ୍ରଦୀପ ବାବୁଙ୍କର ଅଞ୍ଚଳର ବିକାଶ ପାଇଁ ଯଥେଷ୍ଟ ଅବଦାନ ରହିଛି ବୋଲି ପାଣ୍ଡିଆନ କହିଛନ୍ତି । ଡଃ ଅଚ୍ୟୁତ ସାମନ୍ତ ମଧ୍ୟ ନିଜ ଅଭିଭାଷଣରେ କହିଛନ୍ତି ଓଡ଼ିଶାର ସମସ୍ତ କ୍ଷେତ୍ରର ବିକାଶ, ନବୀନ ପଟ୍ଟନାୟକଙ୍କ ନେତୃତ୍ୱ ଓ କାର୍ତ୍ତିକ ପାଣ୍ଡିଆନଙ୍କ କଠିନ ପରିଶ୍ରମ ଯୋଗୁଁ ସମ୍ଭବ ହୋଇଛି । ନବୀନ ପଟ୍ଟନାୟକଙ୍କ ଯୁଗ ହେଉଛି, ଓଡ଼ିଶା ପାଇଁ ଶାନ୍ତିର ଯୁଗ ବୋଲି ଅଚ୍ୟୁତ ସାମନ୍ତ ନିଜ ଅଭିଭାଷଣରେ ଉଦ୍ବୋଧନ ଦେଇଥିଲେ ।