ମୁମ୍ୱାଇ : ପୁଷ୍ପା-୨ର ଆକର୍ଷଣୀୟ ଆୟ ମଧ୍ୟରେ ଅଲ୍ଲୁ ଅର୍ଜୁନଙ୍କର ଆଜିର ଦିନ ଖୁବ୍ ସମସ୍ୟା ପୂର୍ଣ୍ଣ ଥିଲା। ଆଜି ତାଙ୍କ ଘରେ ହାଇଦ୍ରାବାଦ ପୁଲିସ ପହଞ୍ଚି ଥିଲା ଏବଂ ତାଙ୍କୁ ଗିରଫ କରି ନିଆ ଗଲା। ଗିରଫ କରିବା ପରେ ଅଲ୍ଲୁ ଅର୍ଜୁନଙ୍କୁ ନାମପଲ୍ଲୀ କ୍ରିମନଲ କୋର୍ଟ ନିଆଯାଇ ଥିଲା। ଏଠାରେ ଅଲ୍ଲୁ ଅର୍ଜୁନଙ୍କୁ ୧୪ ଦିନର ରିମାଣ୍ଡରେ ପଠାଯାଇ ଥିଲା। ହେଲେ ହାଇକୋର୍ଟରୁ ତାଙ୍କୁ ଜାମିନ ମିଳି ଯାଇଛି। ଏବେ ବିଜେପି ଏମପି ଓ ବଲିଉଡ ଅଭିନେତ୍ରୀ କଙ୍ଗନା ରଣାୱତ ଏହି ମାମଲା ଉପରେ ରିଆକ୍ଟ କରିଛନ୍ତି। ସେ କହିଛନ୍ତି କି, ସମସ୍ତଙ୍କ ଠାରେ ଆକାଉଣ୍ଟେବିଲିଟି ହେବା ଉଚିତ୍।
ବିଜେପି ଏମପି କଙ୍ଗନା ରଣାୱତ ଆଜତକ ଏଜେଣ୍ଡାର ଇଭେଣ୍ଟରେ ଭାଗ ନେଇ ଥିଲେ। ସେ ଏହି ସମୟରେ ଆଜିର ପୂରା ଘଟଣା କ୍ରମର କଥା କହିଛନ୍ତି। ସେ କହିଛନ୍ତି , ମୁଁ ଅଲ୍ଲୁ ଅର୍ଜୁନଙ୍କ ବହୁତ ବଡ଼ ସମର୍ଥକ, କିନ୍ତୁ ଆପଣଙ୍କୁ ଏକ ଉଦାହରଣ ଦେବାର ଆବଶ୍ୟକତା ରହିଛି। କେବଳ ଏଥିପାଇଁ ଯେ ଆମେ ହାଇପ୍ରୋଫାଇଲ ଲୋକ , ଏହାର ଅର୍ଥ ଏହା ନୁହେଁ କି ଆମେ ଫଳ ଭୋଗିବା ଉଚିତ୍ ନୁହେଁ । ଲୋକଙ୍କ ଜୀବନ ବହୁତ ମୂଲ୍ୟବାନ।
ସେ ଆହୁରି କହିଛନ୍ତି ଯେ, ମୋତେ ଲାଗୁଛି ଯେ ଥିଏଟର ଗୁଡ଼ିକରେ ପ୍ରୋଟୋକଲ୍ସ ହେବା ଉଚିତ୍, ଯେଉଁଠି ସେଫ୍ଟିକୁ ନେଇ ଜିନିଷ ଉପରେ ଧ୍ୟାନ ରଖିବା ଉଚିତ୍ ।
