ଭୁବନେଶ୍ବର,୩ ।୪ : ରାଜ୍ୟରେ କାଳବୈଶାଖୀ ବର୍ଷା ସମ୍ଭାବନା ରହିଛି । ବିଜୁଳି ଘଡ ଘଡି ସହ ବର୍ଷା ସମ୍ଭାବନା। ସେଥିପାଇଁ ୟେଲୋ ଓ୍ବାର୍ଣ୍ଣିଂ ଜାରୀ କଲା ପାଣିପାଗ ବିଭାଗ । ପବନର ବେଗ ଘଣ୍ଟା ପ୍ରତି ୪୦-୫୦ କିଲୋମିଟର ରହିବ । ଏନେଇ ୨୦ ଜିଲ୍ଲାକୁ ସତର୍କତା ଜାରୀ କରିଛି ଆଞ୍ଚଳିକ ପାଣିପାଗ ବିଭାଗ । ଜିଲ୍ଲା ଗୁଡ଼ିକ ହେଲା ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼, ସମ୍ବଲପୁର, ଦେଓଗଡ଼, ଅନୁଗୁଳ ଢେଙ୍କାନାଳ, କେଉଁଝର, ମୟୂରଭଞ୍ଜ, ସୋନପୁର, ବୌଦ୍ଧ, ନୂଆପଡ଼ା, କଳାହାଣ୍ଡି, ବଲାଙ୍ଗୀର ,କନ୍ଧମାଳ, ନବରଙ୍ଗପୁର , ରାୟଗଡ଼ା, କୋରାପୁଟ, ମାଲକାନଗିରି, ଗଜପତି ଓ ବାଲେଶ୍ଵର ।
ସେହିପରି ଶୁକ୍ରବାର ମଧ୍ୟ କାଳବୈଶାଖୀ ବର୍ଷା ହେବ । ବିଶେଷ ଭାବେ ବାଲେଶ୍ବର, ଭଦ୍ରକ, ଯାଜପୁର, କେନ୍ଦ୍ରାପଡ଼ା,କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ଼,ଗଞ୍ଜାମ, ଗଜପତି , ମାଲକାନଗିରି , କୋରାପୁଟ , ରାୟଗଡ଼ା, କନ୍ଧମାଳ, ବୌଦ୍ଧ , ଅନୁଗୁଳ, କେଉଁଝର, ମୟୂରଭଞ୍ଜ, ସୁନ୍ଦରଗଡ଼ , ଢେ଼ଙ୍କାନାଳ ଜିଲ୍ଲା ପ୍ରଭାବିତ ହେବ । ଏଭଳି ପାଗ ଆସନ୍ତା ୫ ତାରିଖ ଯାଏଁ ରହିବ । ଅନ୍ୟପକ୍ଷରେ ପାଣିପାଗ ବିଶେଷଜ୍ଞ କହିଛନ୍ତି ଆସୁଛି ଘୂର୍ଣ୍ଣିବଳୟ । ୮ ରୁ ବର୍ଷା । ଉପକୂଳରେ ବର୍ଷା ସମ୍ଭାବନା ରହିଛି ।
