ପ୍ରମୂଖ ଖବର
  • ରାଷ୍ଟ୍ରପତିଙ୍କ ଅନୁମୋଦନ ପରେ ଆଇନରେ ପରିଣତ ହେଲା ୱାକଫ୍ ସଂଶୋଧନ ବିଲ୍, ଲାଗୁ ହେବ ନୂଆ ଆଇନ୍
  • ||
  • ବିଜେପି ପ୍ରତିଷ୍ଠା ଦିବସ, ରାଜ୍ୟ ମୁଖ୍ୟାଳୟ ସମେତ ପ୍ରତି ମଣ୍ଡଳସ୍ତରରେ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜନ
  • ||
  • କଟକ : ଶ୍ୱଶୁର ଘରକୁ ବୋମା ପକାଇଲା ଜ୍ୱାଇଁ, ଅଳ୍ପକେ ବର୍ତ୍ତିଲେ ପାରିବାର ଲୋକେ
  • ||
  • କେନ୍ଦୁଝର : ଗାଁରେ ପଶି ଆକ୍ରମଣ କଲା ଭାଲୁ, ଯୁବକ ଗୁରୁତର
  • ||
  • ଅନୁଗୁଳରେ ଏନ୍‌କାଉଣ୍ଟର, କୁଖ୍ୟାତ ଅପରାଧୀ କ୍ଷୀରୋଦ ନାୟକ ଆହତ,ନାଁରେ ୩୦ରୁ ଅଧିକ ମାମଲା
  • ||
  • ପିପିଲିରେ ଓଲଟିଲା ପର୍ଯ୍ୟଟକ ବସ୍‌: ଜଣେ ମୃତ, ୨୦ରୁ ଉର୍ଦ୍ଧ୍ୱ ଗୁରୁତର
  • ||
  • ଆହୁରି ବଢ଼ିବ ତାତି: ଦୁଇ ଦିନରେ ୨ରୁ ୪ ଡିଗ୍ରୀ ବଢ଼ିପାରେ ତାପମାତ୍ରା, ଆଜି ୫ ସହର ପାରଦ ୪୦ଂ ଛୁଇଁପାରେ
  • ||
  • ପିପିଲିରେ ଓଲଟିଲା ଟୁରିଷ୍ଟ ବସ, ଦୁର୍ଘଟଣାରେ ଜଣେ ମୃତ, ୨୦ ଗୁରୁତର ଯାତ୍ରୀଙ୍କୁ ହସ୍ପିଟାଲରେ ଭର୍ତ୍ତି
  • ||

ଖୁବଶୀଘ୍ର ଆମେରିକା ରାଷ୍ଟ୍ରପତିଙ୍କୁ ସାକ୍ଷାତ କରିବେ ଇସ୍ରାଏଲ ପ୍ରଧାନମନ୍ତ୍ରୀ ନେତାନ୍ୟାହୁ

Published By : Tapas Panda | April 5, 2025 6:11 PM

Image Courtesy: wionews

ନୂଆଦିଲ୍ଲୀ: ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ଖୁବଶୀଘ୍ର ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ସାକ୍ଷାତ କରିବେ । ଓ୍ବାଶିଂଟନ୍‌ରେ ଟ୍ରମ୍ପଙ୍କୁ ବ୍ୟକ୍ତିଗତ ଭାବରେ ସାକ୍ଷାତ କରିବା ସହ ରେସିପ୍ରୋକଲ୍‌ ଟାରିଫ ଉପରେ ଆଲୋଚନା କରିବେ ନେତାନ୍ୟାହୁ । ସେପଟେ ନେତାନ୍ୟାହୁଙ୍କ ଓ୍ବାଶିଂଟନ ଗସ୍ତ ନେଇ ଇସ୍ରାଏଲ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଆନୁଷ୍ଠାନିକ ଘୋଷଣା ହୋଇ ନାହିଁ । କିନ୍ତୁ ଇସ୍ରାଏଲର ୩ ଜଣ ଅଧିକାରୀ ଏନେଇ ରୟଟର୍ସକୁ ସୂଚନା ଦେଇଛନ୍ତି । 

ଗାଜା ଯୁଦ୍ଧ ଆରମ୍ଭ ହେବା ପରେ ନେତାନ୍ୟାହୁଙ୍କ ଏହା ତୃତୀୟ ଥର ଆମେରିକା ଗସ୍ତ ହେବାକୁ ଯାଉଛି । ସେହିଭଳି ଟ୍ରମ୍ପ ରାଷ୍ଟ୍ରପତି ହେବା ପରେ ତାଙ୍କର ଏହା ଦ୍ବିତୀୟ ଆମେରିକା ଗସ୍ତ ହେବ । ସବୁଠାରୁ ବଡ଼ କଥା ହେଉଛି, ବ୍ୟାପକ ଟାରିଫ ପ୍ରସଙ୍ଗରେ ଟ୍ରମ୍ପଙ୍କ ସହ ସିଧାସଳଖ ଆଲୋଚନା କରିବାରେ ପ୍ରଥମ ବିଦେଶୀ ନେତା ହେବେ ନେତାନ୍ୟାହୁ ।  ଏହା ପୂର୍ବରୁ ଏପ୍ରିଲ ୨ରେ ଆମେରିକାର ମୁକ୍ତି ଦିବସ ଅବସରରେ ଟ୍ରମ୍ପ ବିଶ୍ବର ବିଭିନ୍ନ ଦେଶ ଉପରେ ଯେସାକୁ ତେସା ଟାରିଫ ଲଗାଇଛନ୍ତି । ଇସ୍ରାଏଲ ଉପରେ ୧୭ ପ୍ରତିଶତ ରେସିପ୍ରୋକଲ୍‌ ଟାରିଫ ଲଗାଇଛନ୍ତି ଟ୍ରମ୍ପ । 

ଦୁଇ ଦେଶ ମଧ୍ୟରେ ଥିବା ବାଣିଜ୍ୟିକ ପ୍ରଭେଦକୁ ଦୃଷ୍ଟିରେ ରଖି ଟ୍ରମ୍ପ ଏହି ଟାରିଫ ଲଗାଇଛନ୍ତି । ତେବେ ଆମେରିକାର ଏହି ରେସିପ୍ରୋକଲ୍‌ ଟାରିଫ ସେହି ଦେଶମାନଙ୍କ ଟାରିଫ ତୁଳନାରେ ଅଧା ବୋଲି କହିଥିଲେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ସେପଟେ ଟାରିଫ ପ୍ରସଙ୍ଗ ବ୍ୟତୀତ ନେତାନ୍ୟାହୁ ଏବଂ ଟ୍ରମ୍ପ ଇରାନ୍‌ର ଆଣବିକ କାର୍ଯ୍ୟକ୍ରମ ଏବଂ ଗାଜା ଯୁଦ୍ଧ ଉପରେ ଆଲୋଚନା କରିପାରନ୍ତି ।  ଏହା ପୂର୍ବରୁ ନେତାନ୍ୟାହୁ ହ୍ବାଇଟ ହାଉସ୍‌ ଆସୁଛନ୍ତି ବୋଲି ସଂକେତ ଦେଇଥିଲେ ଟ୍ରମ୍ପ କିନ୍ତୁ ତାରିଖ ସଂପର୍କରେ କିଛି ସ୍ପଷ୍ଟ କରିନଥିଲେ ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.