ପ୍ରମୂଖ ଖବର
  • ବିଜେଡି ନେତା ରାଜା ଚକ୍ର ଲିଙ୍କ୍‌ରେ ରେଡ୍: କୋଇଡ଼ା ମାଇନ୍ସରେ EOW ଟିମ୍‌ର ଚଢ଼ାଉ, ୩ଟି ହାଇୱା ଜବତ
  • ||
  • ଦେବଗଡ଼ : ଜାଳଣୀ କାଠ ପାଇଁ ଗଣ୍ଡଗୋଳ , ବଡ଼ ଯା'କୁ ପିଟି ପିଟି ମାରିଦେଲା ସାନ ଯା'
  • ||
  • ତାଳଚେରରେ ଏନକାଉଣ୍ଟର, କୁଖ୍ୟାତ ଅପରାଧୀ ସୁଶାନ୍ତ ନାୟକଙ୍କ ଗୋଡ଼ରେ ବାଜିଲା ଗୁଳି
  • ||
  • ଭୁବନେଶ୍ୱର : ମଶାଣି ପାଖରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • IPL 2025: ଆଜି ନାଇଟ ରାଇଡର୍ସ-ସନରାଇଜର୍ସ ଲଢ଼େଇ, ଇଡେନ୍‌ ଗାର୍ଡେନ୍ସରେ ହେବ ରନ୍‌ ବର୍ଷା
  • ||
  • ସରିଲା ସପ୍ତଦଶ ବିଧାନସଭାର ତୃତୀୟ ଅଧିବେଶନ, ଅନିର୍ଦ୍ଦିଷ୍ଟ କାଳ ପାଇଁ ଗୃହ ମୁଲତବୀ
  • ||
  • ଉଦଳା : ଭାରସାମ୍ୟ ହରାଇ ଖାଲକୁ ଖସି ପଡ଼ିଲା କାର୍‌: ଜଣେ ଗୁରୁତର, ୨ ଆହତ
  • ||
  • ୧୩ ଘଣ୍ଟାର ମାରାଥନ ବିତର୍କ ପରେ ଲୋକସଭାରେ ୱାକଫ ବିଲ୍‌ ପାରିତ, ଆଜି ରାଜ୍ୟସଭାରେ ହେବ ଆଗତ
  • ||
  • ରାଜ୍ୟରେ ୪ ଯାଏ କାଳବୈଶାଖୀ ସମ୍ଭାବନା,୧୫ ଜିଲ୍ଲାରେ ପବନ ସହ ବଜ୍ରପାତ ନେଇ ଆଲର୍ଟ
  • ||

ବିରାଟ କୋହଲୀ ୨୪ରନ୍ କଲେ ରଚିବେ ଇତିହାସ, ହେବେ ପ୍ରଥମ ଭାରତୀୟ ବ୍ୟାଟର

Published By : Prameya | April 2, 2025 6:18 PM

ମୁମ୍ବାଇ, ୨/୪ :  ଆଇପିଏଲ୍ ୨୦୨୫ରେ ବୁଧବାର ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏବଂ ଗୁଜୁରାଟ ଟାଇଟନ୍ସ ମଧ୍ୟରେ ମ୍ୟାଚ ଖେଳାଯିବ । ଏହି ସମୟରେ ବିରାଟ କୋହଲୀ ୨୪ରନ୍ କରିବେ ତ ଟି-୨୦କ୍ରିକେଟରେ ଏକ ନୂଆ କିର୍ତ୍ତିମାନ ରଚିବେ । ଆଇପିଏଲ୍ ୨୦୨୫ର ୧୪ତମ ମ୍ୟାଚ୍ ବୁଧବାର ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏବଂ ଗୁଜୁରାଟ ଟାଇଟନ୍ସ ମଧ୍ୟରେ ଖେଳାଯିବ । ଉଭୟ ଟିମ୍ ମଧ୍ୟରେ ଏହି ମ୍ୟାଚ୍ ବେଙ୍ଗାଲୁରୁର ଚିନ୍ନାସ୍ବାମୀ ଷ୍ଟାଡିୟମରେ ଖେଳାଯିବ । ଏହି ସମୟରେ ବିରାଟ କୋହଲୀ ୨୪ରନ କରିବେ ତ ଟି-୨୦କ୍ରିକେଟରେ ୧୩୦୦୦ରନ୍ ପୂରା କରିନେବେ ।

କୋହଲୀ ଭାରତ ଲାଗି ଟି-୨୦ କ୍ରିକେଟରେ ସବୁଠାରୁ ଅଧିକ ରନ୍ କରିଥିବା ଖେଳାଳୀ ଅଟନ୍ତି।  ଗୁଜୁରାଟ ଟାଇଟନ୍ସ ବିପକ୍ଷରେ ୨୪ରନ୍ କରିବା ପରେ ସେ ପ୍ରଥମ ଭାରତୀୟ ବ୍ୟାଟର ହୋଇଯିବେ । ଯିଏ ଏହି ଫର୍ମାଟରେ ୧୩୦୦୦ରନ୍ କରିଛନ୍ତି । ରିପୋର୍ଟ ଅନୁସାରେ କୋହଲୀ ଦିଲ୍ଲୀ ଲାଗି ୨୦୦୭ରେ ଟି-୨୦କ୍ରିକେଟରେ ଡେବ୍ୟୁ କରିଥିଲେ । ସେହିଭଳି ୨୦୦୮ରୁ ସେ ଆଇପିଏଲରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁର ଟିମର ଭାଗିଦାରୀ ଅଟନ୍ତି । ସେ ଟି-୨୦କ୍ରିକେଟରେ ପ୍ରାୟ  ୩୮୪ ପାଳିରେ ପ୍ରାୟ ୧୨୯୭୬ରନ୍ କରିଛନ୍ତି ।

କୋହଲୀ ଏହି ସମୟରେ ୯୮ଅର୍ଦ୍ଧଶତକ ଏବଂ ୯ଶତକ ଲଗାଇଛନ୍ତି । ସେ ୧୨୯୭୬ରନରୁ ୧୧୫୦ ଚୌକା ଏବଂ ୪୨୦ଛକ୍କା ଯୋଡ଼ିଛନ୍ତି । ଟି-୨୦କ୍ରିକେଟରେ ଭାରତୀୟ ଖେଳାଳୀଙ୍କ ଦ୍ବାରା ସବୁଠାରୁ ଅଧିକ ରନ୍‌ କରିଥିବା ଲିଷ୍ଟରେ ୧୧୮୫୧ରନ୍ ସହ ରୋହିତ ଶର୍ମା ଦ୍ବିତୀୟ ସ୍ଥାନରେ ଅଛନ୍ତି। 

କୋହଲୀ ଟି୨୦ ଅନ୍ତର୍ଜାତୀୟରୁ ୨୦୨୪ରେ ସନ୍ନ୍ୟାସ ନେଇଥିଲେ । ମାତ୍ର ସେ ଆଇପିଏଲ ଖେଳିବାକୁ ଲାଗିଥିଲେ । କୋହଲୀ ଆଇପିଏଲ୍ ଇତିହାସରେ ସବୁଠାରୁ ଅଧିକ ରନ୍ କରିଥିବା ଖେଳାଳୀ ଅଟନ୍ତି । ସେ ୨୫୪ମ୍ୟାଚରେ ୮୦୯୪ରନ୍ କରିଛନ୍ତି ।

 

 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.