ପ୍ରମୂଖ ଖବର
  • ବିଜେଡି ନେତା ରାଜା ଚକ୍ର ଲିଙ୍କ୍‌ରେ ରେଡ୍: କୋଇଡ଼ା ମାଇନ୍ସରେ EOW ଟିମ୍‌ର ଚଢ଼ାଉ, ୩ଟି ହାଇୱା ଜବତ
  • ||
  • ଦେବଗଡ଼ : ଜାଳଣୀ କାଠ ପାଇଁ ଗଣ୍ଡଗୋଳ , ବଡ଼ ଯା'କୁ ପିଟି ପିଟି ମାରିଦେଲା ସାନ ଯା'
  • ||
  • ତାଳଚେରରେ ଏନକାଉଣ୍ଟର, କୁଖ୍ୟାତ ଅପରାଧୀ ସୁଶାନ୍ତ ନାୟକଙ୍କ ଗୋଡ଼ରେ ବାଜିଲା ଗୁଳି
  • ||
  • ଭୁବନେଶ୍ୱର : ମଶାଣି ପାଖରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • IPL 2025: ଆଜି ନାଇଟ ରାଇଡର୍ସ-ସନରାଇଜର୍ସ ଲଢ଼େଇ, ଇଡେନ୍‌ ଗାର୍ଡେନ୍ସରେ ହେବ ରନ୍‌ ବର୍ଷା
  • ||
  • ସରିଲା ସପ୍ତଦଶ ବିଧାନସଭାର ତୃତୀୟ ଅଧିବେଶନ, ଅନିର୍ଦ୍ଦିଷ୍ଟ କାଳ ପାଇଁ ଗୃହ ମୁଲତବୀ
  • ||
  • ଉଦଳା : ଭାରସାମ୍ୟ ହରାଇ ଖାଲକୁ ଖସି ପଡ଼ିଲା କାର୍‌: ଜଣେ ଗୁରୁତର, ୨ ଆହତ
  • ||
  • ୧୩ ଘଣ୍ଟାର ମାରାଥନ ବିତର୍କ ପରେ ଲୋକସଭାରେ ୱାକଫ ବିଲ୍‌ ପାରିତ, ଆଜି ରାଜ୍ୟସଭାରେ ହେବ ଆଗତ
  • ||
  • ରାଜ୍ୟରେ ୪ ଯାଏ କାଳବୈଶାଖୀ ସମ୍ଭାବନା,୧୫ ଜିଲ୍ଲାରେ ପବନ ସହ ବଜ୍ରପାତ ନେଇ ଆଲର୍ଟ
  • ||

IPL 2025; କୋଚଙ୍କୁ ମାଲାମାଲ କରିଛି ଆଇପିଏଲ, ଦ୍ୱିତୀୟରେ ଦ୍ରାବିଡ଼, ଜାଣନ୍ତୁ କିଏ ସବୁଠୁ ଧନୀ ?

Published By : Ankita S | April 2, 2025 11:12 AM

ନୂଆଦିଲ୍ଲୀ,୦୨/ ୦୪: ଦିନ ଗଡୁଛି ରୋମାଞ୍ଚ ବଢୁଛି । ଜୋରଦାର ହେଉଛି  ଲଢେଇ । ଚାଲିଛି କ୍ରିକେଟ ମହାସମର ଆଇପିଏଲ ସିଜିନ୍ ୧୮।  ଆଇପିଏଲରେ କେବଳ ପ୍ଲେୟାର  ନୁହଁନ୍ତି, କୋଚମାନେ ମଧ୍ୟ ମାଲାମାଲ ହେଉଛନ୍ତି । ୧୦ଟି ଦଳର ସବୁ  ହେଡ୍ କୋଚ୍ ଜଣେ ଜଣେ କୋଟିପତି । ବାର୍ଷିକ ଆୟ ବାବଦକୁ କୋଟି କୋଟି ଦରମା ନିଅନ୍ତି । ରାହୁଲ ଦ୍ରାବିଡଙ୍କଠୁ ନେଇ ଆଶିସ୍ ନେହେରାଙ୍କ ଯାଏ ଜଣେ ଜଣେ କୋଟିଏପତି କୋଚ୍ । ତେବେ କିଏ ସବୁଠୁ ଧନୀ ? କାହାର ଦରମା ଅଧିକ  ?  ଜାଣିବାକୁ ପଢ଼ନ୍ତୁ ଏହି ରିପୋର୍ଟ ।

ରାଜସ୍ଥାନ ରୟାଲ୍ସ କୋଚ୍ ରାହୁଲ ଦ୍ରାବିଡ଼ ।  ଟିମ୍‌ ଇଣ୍ଡିଆର ମୁଖ୍ୟ କୋଚ ପଦ ଛାଡ଼ିବା ପରେ ସେ ରାଜସ୍ଥାନ ରୟାଲ୍ସର ମୁଖ୍ୟ କୋଚ ରହିଛନ୍ତି ।  ଦ୍ରାବିଡ଼ ୩୨୦ କୋଟି ଟଙ୍କାର ମାଲିକ । ରାଜସ୍ଥାନ ରୟାଲ୍ସଠୁ ସେ ୫ କୋଟି ଟଙ୍କା ଦରମା ନେଉଛନ୍ତି । ଏଥର ଆଇପିଏଲରେ ସେ ସବୁଠୁ ଅଧିକ ଦରମା ନେଉଛନ୍ତି ।  କୋଟିପତି କୋଚ୍ ତାଲିକାର ସେ ଦ୍ବିତୀୟ ସ୍ଥାନରେ ରହିଛନ୍ତି । ସେହିପରି ପୂର୍ବତନ ଭାରତୀୟ ଦ୍ରୁତ ବୋଲର ଆଶିଷ ନେହରା ଆରମ୍ଭରୁ ଗୁଜରାଟ ଟାଇଟନ୍ସର କୋଚ ରହିଛନ୍ତି । ପଦାର୍ପଣ ସଂସ୍କରଣରେ ଦଳକୁ ଟାଇଟଲ ଜିତାଇବାରେ ତାଙ୍କର ଗୁରୁତ୍ୱପୂର୍ଣ୍ଣ ଭୂମିକା  ଥିଲା । ନେହରା ୪୦ରୁ ୪୫ କୋଟି ଟଙ୍କାର ମାଲିକ । ସେ  ୩ କୋଟି ଟଙ୍କାର ଦରମା ପାଉଛନ୍ତି ।  ପୂର୍ବତନ ଭାରତୀୟ କ୍ରିକେଟର ହେମାଙ୍ଗ ବଦାନି ଦିଲ୍ଲୀ କ୍ୟାପିଟାଲ୍ସର କୋଚ୍ ଅଛନ୍ତି । ସେ ବାର୍ଷିକ ୧.୫ କୋଟି ଟଙ୍କା ଦରମା ନିଅନ୍ତି । 

ସେହିପରି ଅଷ୍ଟ୍ରେଲିଆର ପୂର୍ବତନ ଖେଳାଳି ଜଷ୍ଟିନ ଲାଙ୍ଗର ଲକ୍ଷ୍ନୌ ସୁପରଜାଏଣ୍ଟସର ମୁଖ୍ୟ କୋଚ୍ ଅଛନ୍ତି । ସେ ବାର୍ଷିକ ୪ କୋଟି ଟଙ୍କା ଦରମା ପାଉଥିବା ଜଣାପଡିଛି  । ଆଇପିଏଲ କୋଚମାନଙ୍କ ମଧ୍ୟରେ ସେ ତୃତୀୟ ଧନୀ । ସେ ୮୬ କୋଟି ଟଙ୍କାର ମାଲିକ । ଶ୍ରୀଲଙ୍କାର କିମ୍ବଦନ୍ତୀ ମାହେଲା ଜୟବର୍ଦ୍ଧନେ ମୁମ୍ବାଇ ଇଣ୍ଡିଆନ୍ସର ମୁଖ୍ୟକୋଚ୍ ଅଛନ୍ତି । ଆଇପିଏଲର ସବୁଠୁ ସଫଳ ଦଳ ମୁମ୍ବାଇ । ମାହେଲା ବାର୍ଷିକ ୪ କୋଟି ଟଙ୍କା ଦରମା ପାଉଛନ୍ତି । ସେ ମୋଟ୍ ୮୫ କୋଟି ଟଙ୍କାର ମାଲିକ । 

ଆଇପିଏଲର ଆଉ ଏକ ସଫଳ ଟିମ୍ ଚେନ୍ନାଇ ସୁପରକିଙ୍କସର କୋଚ୍ ଅଛନ୍ତି ଷ୍ଟିଫେନ୍ ଫ୍ଲେମିଂ । ସେ ୪ ରୁ୫ କୋଟି ଟଙ୍କାର ଦରମା ନେଉଛନ୍ତି । ଫ୍ଲେମିଂ ୬୮ କୋଟି ଟଙ୍କାର ମାଲିକ ।ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ମୁଖ୍ୟ କୋଚ୍  ପୂର୍ବତନ ଜିମ୍ବାୱେ କ୍ରିକେଟର ଆଣ୍ଡି ଫ୍ଲାୱାର । ସେ ୩.୫କୋଟି ଟଙ୍କା ଦରମା ନେଉଛନ୍ତି । ଫ୍ଲାୱାର ମୋଟ୍ ୪୩ କୋଟି ଟଙ୍କାର ମାଲିକ ।

ଅଧିକ ପଢନ୍ତୁ...IPL 2025; ୪ ଦିନ ପରେ କ୍ରିକେଟ୍ ଫିବରରେ କମ୍ପିବେ ଫ୍ୟାନ୍ସ, ଜାଣନ୍ତୁ କିଏ ସବୁଠୁ ଧନୀ କ୍ୟାପ୍ଟେନ୍

ନ୍ୟୁଜିଲାଣ୍ଡର ପୂର୍ବତନ କ୍ରିକେଟର ଡାନିଏଲ ଭିଟ୍ଟୋରି ସନରାଇଜର୍ସ  ଦ୍ରାଇଦ୍ରାବାଦର ମୁଖ୍ୟ କୋଚ୍ ଅଛନ୍ତି । ସେ ବାର୍ଷିକ ୨.୫କୋଟି ପାରିଶ୍ରମିକ ନେଉଛନ୍ତି । ସେ ପାଖାପାଖି ୧୦୦କୋଟି ଟଙ୍କାର ମାଲିକ । କୋଲକାତା ନାଇଟ ରାଇଡର୍ସର ମୁଖ୍ୟ କୋଚ୍ ଅଛନ୍ତି ଚନ୍ଦ୍ରକାନ୍ତ ପଣ୍ଡିତ । ସେ ୨ କୋଟି ଟଙ୍କା ଦରମା ପାଉଛନ୍ତି । ଚନ୍ଦ୍ରକାନ୍ତ ମୋଟ୍ ୨୫ କୋଟି ଟଙ୍କାର ମାଲିକ । ସେହିପରି ପଞ୍ଜାବ କିଙ୍ଗସର କୋଚ୍ ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂ । ସେ ୬୦୦ରୁ ୮୦୦ କୋଟି ଟଙ୍କାର ମାଲିକ । ପଞ୍ଜାବ କିଙ୍ଗସରେ ଯୋଗ ଦେବା ପରେ ତାଙ୍କର ବାର୍ଷିକ ଦରମା ୩ ରୁ ୫ କୋଟି  ବୋଲି ଜଣାପଡିଛି । ସେ ଆଇପିଏଲ ସବୁଠୁ ଧନୀ କୋଚ୍ ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.